Mmarare 31:8 - mzwDBL

⁸ Korowii ɛɛ tɔ he siee dɛ́ ja he nɛ, anomanta, bɛ ɡel he bwara hwah, bɛ ɔmɛ.”

Mmarare 31:8 ပူးပေါင်းရင်းမြစ်များ

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

1 Koranar 11:38

Dɛ he noɔ dɛ ɛ waa maa doe a ta bwa, dɛɛ ɛ waa aa toɡra n be, dɛɛ teŋɛ me Mmarare ta kɛŋɔ n bonɔɔ Devid aa ɛa la aa, n fe ɛɛ che he mun taa. Mɛɛ ɡeloo he kora che kiŋkiŋ kɛŋɔ maa ɛa tɛ Kooro Devid la, dɛ́ kpɔ Israel harɛ tɛɛ.

1 Koranar 6:13

Mɛɛ so n nɛra Israel tena baahnee Korowii Dea haa dɛ do nɔ bini, maa ban ta bwa.”

1 Koranar 8:57

Ya dɛ soŋe Korowii yaa dɛ tomɛ kɛ o ja ya nɛɛ ɡɛ o fa aa ja ya naawa nɛɛ la. O bɛ yaa ɡel, o bɛ yaa ta.

1 Webena 22:13

He do sie dɛɛ teŋɛ mmarare Korowii aa cheɡɛ Mosis nɛɛ, dɛ kpɔ tɛ Israel tena la ta naa, anee dɛ́ ɡel he wobɛlbwa do wer. Bɛ ɔmɛ, dɛ́ ɡel he sie beɡre waa maa doe nɔ ta kɛrɛdɛ.

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

Yela 94:14

Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

Kaala 33:14

Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.”

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Nɛra Kura 13:9

Bɛnjamen dea, Rafu bibaa Palti.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Mmarare 31:3

Korowii haa dɛ tomɔ nɔ ɡbabir ɛɛ tɔ siee, dɛ́ ka chɔɡ harɛre aa lɔ bela la nɛra, ásɛ mɔɔ he won dɔ bɔr dɛ́ ka so ba buɡ ta. Korowii ŋɔ Josua ɡe tɔ he sie.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Mmarare 4:31

O dɛ na nɛn sum, waa nɔnee laa kpɔ he nɛɛ bwa á ba ɛ kɛŋɔ wɛɛ chɔɡ heyaa. Waa fɔo o ne he naawa aa fɔwa o ŋwɛɛ o waa laanee soh bwa.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.