Mmarare 31:6 - mzwDBL

⁶ Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Mmarare 31:6 ပူးပေါင်းရင်းမြစ်များ

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

2 Samoɛl 10:12

Dɔ bambile, dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

1 Koranar 2:2

“Saŋ telo kɛŋɔ n sewɛ name, anomanta, lawɛ he te dɛ che kiŋkiŋ

1 Koranar 6:13

Mɛɛ so n nɛra Israel tena baahnee Korowii Dea haa dɛ do nɔ bini, maa ban ta bwa.”

1 Koranar 8:57

Ya dɛ soŋe Korowii yaa dɛ tomɛ kɛ o ja ya nɛɛ ɡɛ o fa aa ja ya naawa nɛɛ la. O bɛ yaa ɡel, o bɛ yaa ta.

1 Webena 22:13

He do sie dɛɛ teŋɛ mmarare Korowii aa cheɡɛ Mosis nɛɛ, dɛ kpɔ tɛ Israel tena la ta naa, anee dɛ́ ɡel he wobɛlbwa do wer. Bɛ ɔmɛ, dɛ́ ɡel he sie beɡre waa maa doe nɔ ta kɛrɛdɛ.

1 Webena 28:10

Jemɛ kɛŋɔ henee Korowii le ŋɔ he do o Dea tɛo. Gel he siwi beɡre dɛ́ ɛ ɡɛ waa doe la bwa.”

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

2 Webena 32:7

“Hé che kiŋkiŋ, hé dɔ bambile. He bɛ ɔmɛ, he bɛ ɡel he bwara yɔr Asiiria koojen ne o laa tena baa wara kohona nɔ wa. Kpeɡri waa ja ya nɛɛ la ɡwaa kpeɡri waa ja ba nɛ.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

Yela 94:14

Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Jeremia 1:8

Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Nɛra Kura 13:20

Hé nyiŋi bela harɛ teera la na, harɛdɛɛɡee kɛɛ harɛdɛɛɡe laa ɔ? Daa lɔ o ta kɛɛ daa toole o ta nɔ? Hé takapɔ ba daa aa lɔ bela nɔna ane ne.” Dɛ ɡrepo nɔnloɡla swɛɛra saŋee.

Nɛra Kura 13:9

Bɛnjamen dea, Rafu bibaa Palti.

Nɛra Kura 14:9

He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Mmarare 1:21

Hé na, Korowii kpɔ harɛ la do he nɔn ta. Hé teeh ka kpɔ, ɡɛ Korowii he naawa aa tomɔ aa ŋɔ he be la. He bɛ ɔmɛ, he bɛ ɡel he bambile chɔɡ.’

Mmarare 1:29

Anee men Mosis ŋɔ, ‘He bɛ ɡel he bwara yɔr.

Mmarare 11:8

Anomanta, hɛ́ɛ teŋɛ Mmarare nɔ bwa maa dɛ do heyaa fini nɔ ta, ásɛ dɛ won ɡale Jɔɔdan Moo la, dɛ́ ka kpɔ harɛ la so,

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Mmarare 31:7

Ate, Mosis yerɛ Josua dɛ bol o be Israel tena la bwa siwi ta ŋɔ, “Che kiŋkiŋ, bɛ ɔmɛ, dɛkalkɛŋɔ henee dɛɛ ba nɛra nɔ sie tɔe, dɛ́ kpɔ ba ka so harɛ Korowii aa kpɔa baɡɛ ba naawa nyoa la ta.

Mmarare 31:8

Korowii ɛɛ tɔ he siee dɛ́ ja he nɛ, anomanta, bɛ ɡel he bwara hwah, bɛ ɔmɛ.”

Mmarare 4:31

O dɛ na nɛn sum, waa nɔnee laa kpɔ he nɛɛ bwa á ba ɛ kɛŋɔ wɛɛ chɔɡ heyaa. Waa fɔo o ne he naawa aa fɔwa o ŋwɛɛ o waa laanee soh bwa.

Mmarare 7:18

He bɛ ban ɔmɛ, hé lii ɡɛ Korowii haa dɛ tomɔ aa ɛ Ijipt kooro ne o harɛ nɛra bwa la.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 10:25

Josua berɛ ŋɔ laa nomonome la be ŋɔ, “Hɛ́ɛ berɛ ɔma, he bɛ ɡel he bambile ɡe chɔɡ. Hé che kiŋkiŋ dɛ́ dɔ bambile. Kenii Korowii ɛɛ ba he dɔma bwa he ne baa dɛ ba yoi ɛɛ.”

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.