Mmarare 31:17 - mzwDBL

¹⁷ A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Mmarare 31:17 ပူးပေါင်းရင်းမြစ်များ

Aesaya 8:17

Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Yela 104:29

He laa sie kpɔ a be naa, dɛ ɔmee chole a nɛ, he lɛ hweera haa kpɔa tɛa la aa, a dɛ serewe, dɛ́ berɛ kaa teera haa kpɔa maa la ta.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

Sitɔɔla 6:13

Anee o chaŋo ŋɔ, “Nomoa, dɛ Korowii ja ya nɛ aa, ɛrɛɛ anɔ bwa berɛ pu yaa nɔɔ? Nyokpowaa ya naawa aa bol a waa baɡle yaa ŋɔ Korowii ɛa dɛ lɛ yaa le Ijipt harɛ ta la, ɛrɛɛ waa wola ane ɛɛ ya ɡe na nɔɔ? Taraken o ta yaa, dɛ kpɔ yaa do Midian tena nɔn ta.”

Nɛra Kura 14:42

He bɛ kaa! He dɔma ɛɛ kpoo heyaa, dɛkalkɛŋɔ Korowii ta he nɛɛ jae.

Jeremia 23:33

Korowii ŋɔ men Jeremia be ŋɔ, “Dɛ n nɛra nɔ bini bɛlbwa kɛɛ n keame, kɛɛ n sɔfo bɔɔre ŋɔ, ‘Bɔkwa waa men Korowii ɛɛ bol ɔ?’ Asɛ he chaŋe ŋɔ, ‘He waa do kɛ bone dɛ dawɛ Korowii nɛ, anomanta, wɛɛ vɛh heyaa.’

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Yela 30:7

N Naa Korowii, haa sune n nɛɛ la, he ɡelɔ n che kiŋkiŋ kɛŋɔ bwejen ken. Kɛ haa laa sie kpɔ n nɛɛ la, n ɔmɔ kohona.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

Ɛsekeɛl 39:29

Maa sie laa kpɔ ba nɛɛ kpa, mɛɛ kpɔ n Domaa ba so Israel tena nɛ. Men Nemenɛ Korowiirii bola.”

Jeremia 23:39

‘Kasinteŋ, Korowii ɛɛ soh he waa, dɛ́ kpɔ he ne bwɛɛ waa kpɔa tɛ he ne he naawa la ka ta bojaŋ, ásɛ he le o sie kwaraa.

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Yela 89:46

N Naa Korowii, saŋ besoo hɛɛ ba he te sɔeh ka tel ɔ? Saŋ besoo he baah ɛɛ ba dii kohona dɛɛ la ɡɛ nɔ?

Yela 27:9

bɛ he te kpɔ sɔɔh mɛ.” Bɛ ɡel he baah di men maa ɛ he bonɔɔ nɛ. Henee dɛɛ cha mɛ, bɛ men vɛh, dɛ berɛ habɔɔ kpo mɛ. N Naa Korowii, henee n Lɛɛ.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Job Tɔn 34:11

O dɛ bɔ nɛwɛnyini waa waa ɛa kem, dɛɛ ba waa ne o nɛɛ ɡɛ o we-ɛɛla aa doa.

Job Tɔn 13:24

Ɛrɛɛ he laa sie kpɔ n nɛ, dɛ kpɔ mɛ berɛ he dɔm nɔɔ?

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

2 Webena 24:20

Belaa Korowii Doma ba so sɔfo Jehoiada bibaa Sekaria nɛ, asɛ o ka che nɛra la sie dɛ ŋɔ, “Waa Korowii aa dɛ bol he be laanee nɔ, ‘Ɛrɛɛ he vɛh n waa maa do heyaa a ta nɔɔ? He wobɛlbwa aa werii do tɛ heyaa bwa. Haa vɛh mɛ nomanta, n ɡe vɛh heya.’ ”

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Mmarare 31:18

Awola tɔpere la, mɛɛ laa sie kpɔ ba nɛ, waa baa ɛa a ɛ wechɔɡa kɛŋɔ baa bera kaa tomɛ voɡa la wa.”

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,

1 Koranar 8:57

Ya dɛ soŋe Korowii yaa dɛ tomɛ kɛ o ja ya nɛɛ ɡɛ o fa aa ja ya naawa nɛɛ la. O bɛ yaa ɡel, o bɛ yaa ta.

2 Koranar 22:13

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

Aesaya 2:6

N Naa Korowii, he vɛh he nɛra Jekɔb naanar. Ba lɔ wee leebɔr tena wepuu ta, dɛ berɛ voɡra kɛŋɔ Filisti tena, dɛ jo nɛra baa wola hen tomɛ we-ɛɛla ta.

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Jeremia 40:2

Nebusaradan laɡ mɛ le bokɛre dɛ ŋɔ n be ŋɔ, “Korowii haa dɛ tomɔ la bolɔ ŋɔ wekpeɡa ɛɛ ba he harɛ nɔ taa,

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.

Mmarare 30:18

N dɛ ŋɔ he be kɛŋɔ sewaa hɛɛ ba sewa. Haa harɛ haa dɛ ba Jɔɔdan Moo ɡala dɛ́ ka so o ta nɔ taa biɡri.

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

2 Webena 21:10

Ba le fini, Edom harɛ tena pere ba te le Juda tena lɔɡa. Gɛɛ bwɛjen Lebna tena ɡe pere ba te ɡɛ saŋ, dɛkalkɛ Kooro Jehoram vɛh Korowii o naawa aa tomɔ la.

Yela 44:10

He ɡelɔ ya chwa le ya dɔma sie, asɛ ba ba kam ya laala, kɛ laa ta kwa.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Jeremia 33:5

Ba ne Babelɔn tena ɛɛ yo laalee, ásɛ ba deene su nɛra n baah aa dia n kpoo ba la. Nɛra baa lɔ bwɛjen nɔ ta wechɔɡa nomanta, n berɛ n habɔɔ kpo ba.