Mmarare 31:12 - mzwDBL

¹² Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Mmarare 31:12 ပူးပေါင်းရင်းမြစ်များ

Ɛsra 10:1

Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Lewi Dea Tena 9:5

Ba kpɔ komɛlbwa Mosis aa do ba la bwa ba Korowii Dea Cheremibɔr la doonyoa, asɛ nɛra la bwa suuh tel dɛ ba che Korowii sie.

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

Mmarare 29:29

Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Mmarare 29:9

Anomanta, hé do sie fɔo nɔ ta ásɛ wobɛlbwa haa ɛ la chiɡ heyaa kɛrɛdɛ.”

Mmarare 31:13

A ɡɛ ŋwɛnɛ nɔ taa he naanar baa wola Korowii haa dɛ tomɔ nɔ waa noɛ bwa la che dɛ́ no. Ásɛ dɛ jemɛ waa la ta teŋa harɛ baa dɛ ba Jɔɔdan Moo ɡala dɛ́ ka so o ta la ta.”

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Josua 8:33

Dɛ Israel tena bwa, hɔɔhra ne deela, koranar ne nomonome, dɛ ba bini nɛra baa bol waa dɛɛ pa bole bwa kaa che Korowii Ne Nɛwɛnyina Fɔo Daka la baŋne anɛ ta, ba sie chaɡɛ Lewi dea sɔfore baa cheɡɛ daka la. Nɛra la bini bane cheɡɔ ba habɔɔ chaɡɛ Geresim Bwejen la, asɛ ba pera ɡe che ba habɔɔ chaɡɛ Ebal Bwejen la. Ba cheɡɔ ɡɛ Korowii bonɔɔ Mosis aa do ba la, asɛ Korowii ɡel sɔfore la swee andɛɛɡa tɛɛ ba.

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.