Mmarare 31:11 - mzwDBL

¹¹ ɡɛ saŋ Israel tena nɔ bwa aa ba cheme bela Korowii aa lea tɛɛ ba ŋɔ baa tomɔ la.

Mmarare 31:11 ပူးပေါင်းရင်းမြစ်များ

2 Koranar 17:37

Hé nyiŋi kɛrɛdɛ dɛɛ teŋɛ mmarare, ne webaɡla ne waa maa do heyaa a ta, dɛ chwerɛ tɛ heyaa la ta. He bɛ voɡ bɛlbwa tomɛ.

2 Koranar 23:2

O ne Juda baala ne Jerusalam tena, ne sɔfore ne Korowii keamere, le bechale nɛɛ ba kaa nomonjena bwa nɛɛ ba la Korowii Dea. Asɛ o ɡel ba kure Korowii Ne Nɛwɛnyina Fɔo Tɔn waa nyoɡra ba nao Korowii Dea la, asɛ ba bwa no.

Nehemia 8:13

Korobie anuanɛ tɔpenɛɛte ta la, nomonnyuune ne sɔfore, dɛ Lewi dea tena la kaa cheme Ɛsra waa ɛ tɔnjereme be, o baɡ ba Mmara waa la ja.

Nehemia 8:18

Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

Nehemia 9:3

Ba cheɡɛ bela baa cheɡa, dɛ he bɔne tɔpebir bini bɔre anaarɛ naa, ba kpɔ bɔrbeŋkpoŋ kure Korowii baa dɛ tomɔ Mmara Tɔn la bini waa baɡ ba. Asɛ dɛ kpɔ bɔrbeŋkpoŋ ɡe bol ba wechɔɡa, asɛ dɛ tomɛ Korowii baa dɛ tomɔ la.

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

We-ɛɛla 15:21

dɛkalkɛŋɔ Mosis Mmara nɔ yaa baɡle a waa nɔ, bwɛɛre bɛlbwa taa nɛra baa dɛ baɡla la do. Ona Tɔpere te bɛlbwa taa baa kure Mosis Mmara waa nɔ cheremi deene ta, dɛ le saŋ la bwa ba le fini.”

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:14

Hé kpɔa ba bela Korowii aa le tɛ heya dɛ le he deene la bɛl harɛ ta la, belaa chɛ kɛ hé ɛ wobɛlbwa maa dɛ do heyaa a ta nɔ.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.