Mmarare 30:5 - mzwDBL

⁵ Ásɛ he berɛ ba kpɔ harɛ he naawa fa aa soɡe o ta wubwa la so ó ɛ he kon. Wɛɛ berɔɔ ɡel he do wer dɛ́ warɛ ɡwaa ɡɛ he naawa fa aa doa la.

Mmarare 30:5 ပူးပေါင်းရင်းမြစ်များ

Yela 119:68

He waa wer, he wobɛlbwa ɡe wer, chaɡ mɛ he waa la.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

Nɛra Kura 10:29

Dɛ Mosis helabaa sɔne Jetro dɛ ɛ Midian te. O bibaa sɔne Hobab. Awola bɛl, Mosis ŋɔ Hobab be ŋɔ, “Ya dɛ ba ira kaa harɛ Korowii aa ŋɔa wɛɛ kpɔɔ tɛ yaa la ta. O baɡɛ yaa nyoa ŋɔ bela ɛɛ do werii tɛ yaa. Yaa ka nyiŋi kɛrɛdɛɛ, anomanta, ɡel ya ne he kaa.”

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.