Mmarare 30:18 - mzwDBL

¹⁸ N dɛ ŋɔ he be kɛŋɔ sewaa hɛɛ ba sewa. Haa harɛ haa dɛ ba Jɔɔdan Moo ɡala dɛ́ ka so o ta nɔ taa biɡri.

Mmarare 30:18 ပူးပေါင်းရင်းမြစ်များ

Nɛra Kura 32:15

Dɛ he berɛ habɔɔ kpoo waa, wɛɛ ɡel baa ta pua hɛŋle ɡbo harɛ nɔ taa ja, dɛ heyaa ɡela o chɔɡ ba ta la.”

Mmarare 30:17

Dɛ he ɛ deŋnekpeɡ dɛ vɛh noe yaa, he liire ɛɛ charɔɔ he ka tomɛ voɡa.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Mmarare 31:21

Ásɛ wekpeɡa ba ba nɛɛ taeh, kɛ ba taa teŋɔɔ dɛ́ ɡo yel la, ásɛ a ɛ waa dɛ́ chɔ tɛɛ ba. Taraken kwara, n jemɛ liire baa dɛ lii mɔɔ mɛɛ ba ba ne harɛ maa baɡ ba nyoa la ta kaala.”

Mmarare 31:29

Dɛ ŋɔ, n jemɔ kɛŋɔ n seo habɔɔ la, baa ɛ nɛnchɔɡaa dɛ́ vɛh waa maa bola baɡ ba bwa dɛ chwerɛ bil la. Aa ba la sie la, baa na wekpeɡaa, dɛkalkɛŋɔ baa ɛ waa Korowii aa kia, ásɛ o baah di.”

Mmarare 4:25

Dɛ he kaa so harɛ la ta biɡri dɛ loɡle bii ne naanar aa, he bɛ ɡel he pɛla ba dɔ voɡa toma he ɛ wechɔɡa. A ɛ wechɔɡa Korowii be, dɛ ɡel o baah ɛɛ di.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.