Mmarare 30:17 - mzwDBL

¹⁷ Dɛ he ɛ deŋnekpeɡ dɛ vɛh noe yaa, he liire ɛɛ charɔɔ he ka tomɛ voɡa.

Mmarare 30:17 ပူးပေါင်းရင်းမြစ်များ

1 Koranar 11:2

Ba ɛ nɛra Korowii aa bol ba waa Israel tena be ŋɔ, “He bɛ ban mo ásɛ ba ba berɛ he liire kaa ba voɡare ta.” Kɛ ane a bwa, ɡɛ nɛra laanee Kooro Solomɔn ka mo.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Sɛɡla 14:14

Nɛn waa ɡel wedɛɛɡa ɛɛ dɛ́ dɔ deŋnetɛra, nɛndɛɛɡa ɡe ɛɛ dɔ ba we-ɛɛla kembɔr.

Nɛra Kura 32:15

Dɛ he berɛ habɔɔ kpoo waa, wɛɛ ɡel baa ta pua hɛŋle ɡbo harɛ nɔ taa ja, dɛ heyaa ɡela o chɔɡ ba ta la.”

Mmarare 11:16

Hé nyiŋi kɛrɛdɛ dɛ́ɛ berɛ he te laa dɛ́ kpɔ Korowii nɛɛ dɛ́ kaa tomɛ voɡa dɛ́ɛ ɡuŋa.

Mmarare 17:17

Kooro la bɛ haahna mo warɛ, a ba ɡɛ naa, waa sie Korowii waa taa do. O bɛ kondɔɔh kɛŋɔ suuɡapoŋa kɛɛ suuɡaswɛm kohona nyin.

Mmarare 30:16

Dɛ he teŋɛ Korowii haa dɛ tomɔ nɔ waa maa kpɔa dɛɛ tɛ heyaa fini nɔ ta, dɛɛ nyinu dɛɛ teŋɛ o waa ta kɛrɛdɛ naa, he wobɛlbwa ɛɛ do werii tɛ heya taeh. Wɛɛ swee andɛɛɡaa tɛ heya he dɔ mkpa harɛ haa dɛ la ka so o ta la ta.

Mmarare 30:18

N dɛ ŋɔ he be kɛŋɔ sewaa hɛɛ ba sewa. Haa harɛ haa dɛ ba Jɔɔdan Moo ɡala dɛ́ ka so o ta nɔ taa biɡri.

2 Timoti 4:4

dɛ́ laa ba deŋne kpɔ kasinteŋ waa la ta, dɛ́ kaa no nyosonwa.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Josua 22:15

Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.

1 Samoɛl 12:25

Kɛ dɛ he ta nao dɛɛ ɛ wechɔɡa aa, he ne he kooro bwa ɛɛ serewoo.”