Mmarare 3:24 - mzwDBL

²⁴ ‘Nemenɛ Korowii, he pa mun dɛ kpɔ he kan ne he kpeɡri haa dɔa baɡle men maa ɛ he bonɔɔ. Komɛlbwa toole nyundua kɛɛ harɛ dɛ́ won ɛ wejena nɔ dɔŋa.

Mmarare 3:24 ပူးပေါင်းရင်းမြစ်များ

2 Samoɛl 7:22

Nemenɛ Korowii, he kan kohona. Nomɛlbwa toole dɛ do kɛ hen, ya te jemɔ saŋ bɛlbwa kɛŋɔ he ɡboo Korowii.

1 Koranar 8:42

dɛkalkɛŋɔ, ba no kpeɡri haa dɔa ne he sɔn ne wejena haa ɛa wa. Dɛ ba bini bɛlbwa kpɔ sie chaɡɛ he Dea nɔ dɛ soŋe naa,

2 Webena 6:14

O ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Yela 106:2

Umee dɛ́ won baɡle wejena waa ɛa kɛɛ dɛ kpɛɛro kɛrɛdɛ nɔ?

Yela 145:3

N Naa Korowii, he kan dɛ chɛ kpɛɛra. He kan haa doa ɡwaa nɛwɛnyina liire ta.

Yela 145:6

Baa bol he kpeɡri ne he we-ɛɛla aa do ɔma kohona waa, ásɛ n bol he kan haa doa wa.

Yela 150:2

Hé kpɛɛro o wejena waa ɛa wa. Hé kpɛɛro o kan waa doa kohona ɡwaa komɛlbwa wa.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 71:19

N Naa Korowii, toɡra he wa aa toɡra kan kohona, he we-ɛɛla ɡe kan kohona. He habɔɔ, nomɛlbwa toole.

Yela 86:8

N Naa Korowii, voɡa nɛra aa dɛ tomɛ ta kpeɡri dɔe kɛ hen, nomɛlbwa ta he we-ɛɛla dɔŋa ɛɛ bwa.

Yela 89:6

N Naa Korowii, nomɛlbwa toole dɛ do nyundua kɛ hen, koŋkwaa aa lɔ nyundua la bini bɛlbwa ta hen tele.

Yela 89:8

Korowii Waa Ɛ Koranar Bwa Kooro, umee dɔ kpeɡri kɛ hen ɔ? N Naa Korowii, he waa dɔ kasinteŋ wobɛlbwa ta.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 8:10

Asɛ Ijipt kooro chaŋo ŋɔ, “Soŋe tɛ mɛ kere.” Anee Mosis ŋɔ, “N noɔ, mɛɛ ɛ ɡɛ haa ŋɔa nɔɔ, ásɛ he jemɛ kɛŋɔ Korowii yaa dɛ tomɔ nɔ dɔŋ toole.

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Aesaya 40:18

Umee yaa ba wona kpɔ Korowii maɡɔɔ? Bɔkwaa yaa ba kpɔe baɡle o waɔ?

Aesaya 40:25

Korowii Waa Do Goroŋ la ŋɔ, “Umee hɛɛ ba men kpɔe maɡɔɔ? Umee n ne o ɛ kɛrɛdɛ ɔ?”

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Daneɛl 3:29

Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”

Nɛra Kura 23:23

Sɔm we-ɛɛla aa won ɛ Israel tena wobɛlbwa, voɡre bɛlbwa ɡe aa ban wo. Taraken baa bol Israel tena waa ŋɔ, ‘He na waa Korowii aa ɛa tɛɛ ba.’

Mmarare 11:2

Fini, hé lii dɛ́ berɛ ta sie na waa Korowii aa ɛa dɛ baɡle heya. Heyaa, he bii laa. Hé na ɡɛ Korowii wa aa dɔ nyɛl, ne o kan ne o kpeɡri,

Mmarare 3:23

A ɡɛ saŋ la, n soŋe Korowii sibeɡra ne ŋɔ,

Mmarare 32:3

Korowii sɔnee mɛɛ ba yera, ásɛ o nɛra kpɔ duure tɛo o kan waa doa wa!