Mmarare 29:25 - mzwDBL

²⁵ Waa la bwaa kɛŋɔ, ‘Korowii ba naawa aa dɛ tomɔ o le ba ne Ijipt harɛ ta ba la chɔɡ fɔo o ne baa fɔwa la.

Mmarare 29:25 ပူးပေါင်းရင်းမြစ်များ

1 Koranar 9:8

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr ó ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

1 Koranar 9:9

Ásɛ nɛra chaŋe ŋɔ, ‘Baa le Korowii baa dɛ tomɔ, o le ba naawa ne Ijipt harɛ ta habɔɔ, dɛ berɛ kaa yarada voɡa ane dɛɛ toma la waa Korowii kpɔ ɡɛ wekpeɡa nɔ ta ba nɛɛ la.’ ”

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

2 Koranar 17:9

Waa aa ɡwaala kwaraa kɛŋɔ, Israel tena sɔɔh ɛ waa aa wola Korowii baa dɛ tomɔ tea toorɛ. Ba cheɡ voɡare ba bwɛjeɡre ne bwɛjena baa ma danjwɛɛre bara bwa ta.

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Yela 106:36

He nɛra tomɛ ba voɡa la, asɛ a ɛ bela dɛ laɡ ba.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Jeremia 16:11

Asɛ he ŋɔ ba be ŋɔ, ‘He naawa aa berɛ habɔɔ kpo men Korowii dɛ ka teŋɛ voɡare nɛɛ dɛɛ toma la waa. Ba vɛɛh mɛ dɛ ɡel me Mmarare ta teŋa,

Jeremia 22:8

A habɔɔ, harɛre nɛra ɛɛ teŋo baa kaa dɛ́ na bwɛjen nɔ, dɛɛ bɔɔ dɔŋa ŋɔ, ‘Bɔkwa waa Korowii ɛ bwɛjen nɔ ken?’

Jeremia 22:9

Ásɛ nɛra bane ɡe chaŋe ŋɔ, ‘Baa vɛh fɔo ba ne Korowii baa dɛ tomɔ aa fɔwa, dɛ berɛ kaa tomɛ voɡare ane, dɛɛ duura la waa.’

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Jeremia 44:3

dɛkalkɛ nɛra baa lɔ a ta ɛɛ mɛ wechɔɡa dɛ ɡel n baah di. Ba ɛ sarahare tɛ voɡare ane dɛɛ toma, voɡare ba ɡbabir kɛɛ hen kɛɛ he naawa aa wola an tomɛ.

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Mmarare 29:26

Ba kaa tomɛ voɡa baa wola an tomɛ bwa, voɡa Korowii aa kah ba ŋɔ ba bɛ an tomɛ la.

Hibru 8:9

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ. Anomanta, n ɡe laa sie kpɔ ba nɛ.