Mmarare 29:23 - mzwDBL

²³ He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Mmarare 29:23 ပူးပေါင်းရင်းမြစ်များ

Mumpar 14:2

Ba nyoa pɛo ba yo koranar banue bane. Banee nɔ. Sodom Kooro Bɛra, ne Gomoora Kooro Birsa ne Adma kooro Sinab ne Seboiim kooro Sɛmɛba dɛ Bɛla kooro. Bɛla nɔ sɔn bɛl ɡee Soar.

1 Koranar 9:8

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr ó ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

1 Koranar 9:9

Ásɛ nɛra chaŋe ŋɔ, ‘Baa le Korowii baa dɛ tomɔ, o le ba naawa ne Ijipt harɛ ta habɔɔ, dɛ berɛ kaa yarada voɡa ane dɛɛ toma la waa Korowii kpɔ ɡɛ wekpeɡa nɔ ta ba nɛɛ la.’ ”

2 Koranar 22:13

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

Job Tɔn 18:15

Nomɛlbwa waa dɛ nyin o ka so ba deene la ta ɛɛ won ka so, kɛ bá kpɔ jebɔrɔwe merɛ a bwa bini mɔɔ.

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 34:9

Edom harɛ neerare ɛɛ ɛo kɛŋɔ kootal ken, bela teera ɛ kɛŋɔ jebɔrɔwe, ásɛ harɛ la bwa fuh.

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

Jeremia 17:6

Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.

Jeremia 20:16

Kórowii ɛ naate ó do kɛ bwɛjena waa chɔɡa, o ta ba nɛɛ sune la ken. Ó ɡel naate ɛɛ no wii ɡbɔɡa chɔɔ, dɛɛ no laa lɔŋɔre ɡe webaŋa,

Jeremia 49:18

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Edom harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Ɛsekeɛl 47:11

Kɛ o nyoo aa do kɛ chɛɡbɔra la nee la te aa won do wer, aa chɔɔ bá dɔ yar dɛɛ le a ta.

Lewi Dea Tena 26:32

Gɛ maa chɔɡ harɛ la ɛɛ ɡeloo he dɔma baa ba so o ta la bambile chɔɡ kohona.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Amanesoma Luk Aa Chwera Tɔn 17:29

Awola Lɔt aa le Sodom dɛɛ kaa la, Korowii ɡelɔ nii ne jebɔrɔwe aa dɛ fuh le nyundua dɛ ba fuh Sodom tena bwa kwaraa.

Tɔn Pɔɔl Aa Chwerɛ Rom Tena 9:29

Anee Aesaya fa bol la, “Dɛ Koranar Bwa Kooro fe ta o nɛra dwee tama bane ɡelɛ aa, ya fe ɛɛ tonɔɔ kwaraa kɛŋɔ Sodom ne Gomoora tena.”

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Sitɔɔla 9:45

Awola tɔpere la bwa, Abemɛlɛk yo bwɛjen la tena, ka tel kɛŋɔ waa kpoo ba bwa. O paɡre bwɛjen la dɛ kpɔ yar merɛ o ta.