Mmarare 29:19 - mzwDBL

¹⁹ Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.

Mmarare 29:19 ပူးပေါင်းရင်းမြစ်များ

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

Yela 10:11

Nyubinikpeɡ tena la yon lii ba nyu bini ŋɔ, “Korowii waane laa. O laa sie kpɔ, waa yaa na bwa!”

Yela 36:2

Ba dɛ lii ba nyu bini kɛŋɔ ba ɛ nɛnjena nomanta, Korowii aa ba wechɔɡa baa dɛ ɛ la nae ba, dɛ́ pa ba bolchɔɡe.

Yela 49:18

Gɛ saŋ waa soɡe le la, dɛ o dɛ lii o te nɛn waa na som, nɛra ɛɛ kpɛɛro a wa aa,

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Jeremia 18:12

Kɛ baa chaŋo ŋɔ, ‘A bɛlbwa ta tɔnɔ dɔe. Ya ɡbabir ɛɛ dɛɛ nyiŋi ya we-ɛɛla taa, ásɛ bɛlbwa ɛɛ teŋɛ o bambikpeɡ ne o wechɔɡa waa ta.’ ”

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Jeremia 36:29

Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Ɛsekeɛl 13:16

Israel harɛ keamere la ŋɔ deŋnesɔɔhna lɔ Jerusalam, kɛ dɛ deŋnesɔɔhna ɡe toole. Men Nemenɛ Korowiirii bola.’ ”

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Ɛsekeɛl 14:7

Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Ɛsekeɛl 14:8

N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.

Nɛra Kura 15:30

Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Nɛra Kura 15:39

Jɔɔra nɔɔ dɛɛ ba Korowii waa maa do heyaa a ta la dɛɛ liira, á ɡel hɛɛ teŋɛ a ta dɛ bɛ Korowii waa vɛh, dɛ́ kaa teŋɛ he pɛlchɔɡa kwaa haa dɛ naa, ne anɔ la aa lɔ he bambili ta la.

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

Mmarare 17:2

Dɛ a kaa ba kɛŋɔ he noɔ kɛŋɔ baa kɛɛ haah ɛ wechɔɡa, dɛ chɔɡ he ne Korowii haa dɛ tomɔ nɔ fɔo he bwɛɛre la bɛlbwa ta,

Mmarare 28:15

Dɛ he ta Korowii haa dɛ tomɔ nɔ waa noɛ dɛ teŋɛ o waa ne o Mmarare ta naa, taahna maa bol a waa nɔ bwa ɛɛ ba he nɛɛ dɛ́ ɡure he nyu ta.

Mmarare 29:12

kɛŋɔ he bwa ɛɛ sɛh fɔo he ne Korowii haa dɛ tomɔ nɔ aa fɔwa nɔ taa dɛ́ ɛ wobɛlbwa.

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.