Mmarare 29:10 - mzwDBL

¹⁰ Mosis ŋɔ Israel tena la be ja ŋɔ, “Korowii siee he bwa che fini la, onee hɛɛ tomɛ. He nomonome, ne nɛra baa dɛ tɔ he sie, ne baala,

Mmarare 29:10 ပူးပေါင်းရင်းမြစ်များ

2 Webena 20:13

Dɛ Juda harɛ ta baala ne ba haahna ne bii bwa cheɡɛ Korowii Dea la sie.

2 Webena 23:16

Sɔfo Jehoiada ne Kooro Joas fɔwɛ fɔo o chɔ Korowii ne harɛ la nɛra baah ta kɛŋɔ nɛra la ɛɛ tomɛ Korowii.

Nehemia 10:28

Nɛra la kabora baa kaa, sɔfore ne Lewi dea tena ne nɛra baa dɛ daah Korowii Dea doonyoa, ne yelɡoola ne bonɔɔna baa dɛ ɛ toma Korowii Dea, dɛ nɛra baa koh Korowii Mmara la ta teŋa waa dɛ pere ba te le harɛre nɛra baa soɡa bar ba nɛ, ne ba haahna ne bibaala ne bihaahna baa dɛ no waa mun.

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Nehemia 9:38

Anɔ bwa aa chiɡa nomanta, ya Israel tena dɛ baɡɛ nyoa dɛ́ chwera, ásɛ ya nomonome ne Lewi dea tena dɛ sɔfore kpɔ ba nonibala ɛɡre fɔo nɔ lɔɡa.”

Mmarare 29:11

ne haahna, ne bechale dɛ hɔɔhra he ne baa soɡa ba che daa ne nee dɛɛ tɛ heyaa bwa,

Mmarare 29:9

Anomanta, hé do sie fɔo nɔ ta ásɛ wobɛlbwa haa ɛ la chiɡ heyaa kɛrɛdɛ.”

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.

Josua 9:21

Ba berɔ ŋɔ, “Bá so, kɛ baa teŋni daa dɛ che nee dɛɛ tɛ Israel tena bwa.” Asɛ ba no waa nomonome la aa kpɔa baɡ ba nyoa la ta.

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Wepila 6:15

Harɛ koranar ne nɛnjena, ne soojare nomonome, ne dɔɔhna, ne bokpeɡa tena, ne nɛn te bɛlbwa, banɔ la baa ɛ yoma, dɛ banɔ la baa wola yoma ɛɛ bwa chwa ka sɔh bwebɔɔne ne bwetala aa lɔ bwejena ta lɔɡre,

1 Samoɛl 3:21

Korowii teŋɔ kpɔ o te baa baɡle Samoɛl Silo bela, dɛ baɡlo waa waa bol.

1 Samoɛl 4:1

Belaa Samoɛl bol waa Korowii aa kpɔa baɡlo la tɛ Israel tena bwa. A balɔ kɛŋɔ Israel tena vɔrɔwɔ kɛŋɔ bá ka yo Filisti tena. Israel tena kaa baŋre ba tɛnte deene Ɛbɛneesa harɛ ta, asɛ Filisti tena ɡe do Afɛk.