Mmarare 28:9 - mzwDBL

⁹ Dɛ he no Korowii haa dɛ tomɔ nɔ waa dɛ teŋɛ wobɛlbwa waa dɛ bol ta naa, wɛɛ kpɔ heyaa cheɡ kɛ o nɛra he do ɡoroŋ ɡɛ waa baɡɛ nyoa la.

Mmarare 28:9 ပူးပေါင်းရင်းမြစ်များ

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Yela 87:5

Baa bol bwɛjen Jerusalam waa ŋɔ, o binii harɛre nɛra bwa le dɛ ba, Nemenɛ Korowii ɛɛ ɡeloo ó do kpeɡri.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Aesaya 1:26

Mɛɛ berɔ ɡel he dɔ nɛra baa bol he waa dɛɛ pa bole, ne nɛra baa dɛɛ ja heyaa kɛŋɔ he fa aa dɔɔ ba wubwa la. Ásɛ mɔɔ bá berɛ yerɛ heyaa Kasinteŋ Diile bwɛ, Nɛndɛɛɡa bwɛ.”

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Jeremia 11:5

Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

2 Tesalonika 3:3

Kɛ Korowii waa dɔ kasinteŋ la, wɛɛ ɡeloo hɛɛ kpeɡ waa la ta teŋa ta, dɛ́ lɛ heyaa le Bɔnsam nɔn ta o bɛ heyaa dɔ.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.