Mmarare 28:63 - mzwDBL

⁶³ Gɛ Korowii tea aa too he waa kɛŋɔ wɛɛ ɡeloo he do wer, ásɛ dɛ berɛ ɡel he ya la, ɡɛ tentenee o tea ɛɛ ba toora he chɔɡa dɛ ta wa, dɛ́ chuɡri heyaa le harɛ haa dɛ la ka so o ta nɔ ta.

Mmarare 28:63 ပူးပေါင်းရင်းမြစ်များ

Mumpar 6:7

“Mɛɛ chɔɡ nɛwɛnyina maa taa bwaa, ne ola ne jumbii ne kwaa aa dɛ tuuɡi tea ta ne anɔ la aa dɛ huuh bwa, dɛkalkɛ a dɛ we n nɛɛ kɛ maa taa.”

Yela 119:68

He waa wer, he wobɛlbwa ɡe wer, chaɡ mɛ he waa la.

Sɛɡla 1:26

Sibeɡra pu heya aa, n ɡe ɛɛ mamɛ heyaa, wekpeɡa ane aa do ɔma kohona ba he nɛ aa, n ɡe ɛɛ di he loroo.

Sɛɡla 2:22

Korowii ɛɛ teŋe nɛnchɔɡaa le harɛ nɔ ta, wɛɛ chuɡri wechɔɡ-ɛɛraa le o ta kɛŋɔ kpɔɡa kɛɛ daa ken.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Jeremia 18:7

Dɛ saŋ bɛlbwa n ŋɔ mɛɛ chɔɡ harɛ bɛl nɛraa, dɛ́ paɡro dɛ́ kuuɡi o bwa,

Jeremia 24:6

Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Jeremia 31:28

Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Jeremia 32:41

N sie ɛɛ lɛo kɛŋɔ mɛɛ ɛɛ ba wedɛɛɡaa, dɛ́ ɡel ba so harɛ nɔ ta saŋ bɛlbwa dɛɛ la.

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Jeremia 45:4

Belaa Korowii ŋɔ men Jeremia bol Baruk be ŋɔ, “Mɛɛ taɡɛ komɛlbwa maa mao ta harɛ, dɛ́ fuɡri komɛlbwa maa duu ta, harɛ nɔ ta bobɛlbwa.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Emɔs 5:3

Nemenɛ Korowii ŋɔ, “Bwɛjen bɛl lɔ Israel harɛ ta, dɛ́ kpɔ laa tena kaɡboŋ la laa, kɛ nɛra lafa ɡboo dɛ́ berɛ ba. Bwɛɛ bɛl ɡe kpɔ laa tena lafa la, kɛ ba nɛra fi ɡboo dɛ́ berɛ ba.”

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Mmarare 30:9

Wɛɛ ɡeloo he do wer wobɛlbwa haa ɛ ta, dɛ́ ɡel he dɔ bii ne kondɛɛra kohona, he koo kondikwaa ɡe ɛ kohona. Korowii sie ɛɛ lɛ he nɛɛ ja, ásɛ dɛ ɡel he do wer wobɛlbwa ta, ɡɛ o fe aa liira tɛ he naawa la,

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Mmarare 7:22

Tama tamaa Korowii haa dɛ tomɔ nɔ ɛɛ ba ba doŋa ta, haa ba bwa kerabeŋkpoŋii kpoo. A ba ɡɛ naa, kpɔɡ bini olchɔɡa ɛɛ warɔɔ dɛɛ aah heya.