Mmarare 28:62 - mzwDBL

⁶² Hɛɛ warɔɔ kɛŋɔ weweela, kɛ dɛ he ta Korowii haa dɛ tomɔ nɔ waa ta teŋɛ aa, he bini tamaa kenii dɛ́ ba ka.

Mmarare 28:62 ပူးပေါင်းရင်းမြစ်များ

2 Koranar 13:7

Siiria Kooro Hasael ne o laa tena pɔ Israel tena nɛ, dɛ ɡel Kooro Jehoahas laa tena mule. O laa tena baa kaa laanee, nɛra baa jemɛ jaɡre ta soɡa fifraanue, ne torɔɡore fi, dɛ laa tena baa dɛ valɛ harɛ nɛra kaɡboŋa fi. Siiria laa tena kpoo ba kabora, dɛ tiɡri ba do harɛ kɛŋɔ pɛla ta teera ken.

2 Koranar 24:14

Kooro Nebukadnesa larawe Jerusalam nomonome ne laa tena bwa, ne nɛra baa jemɛ kwaa sɛɛh ne loɡra bwa kaa. Dɛ ba lɔ nɛra kaɡboŋa fi, ba ta nomɛlbwa ɡelɛ, nemenɛ nɛra baa nyaa kohona, dɛ do bela ɡbosoo.

Nehemia 7:4

Dɛ Jerusalam kan, kɛ dɛ nɛra baa lɔ o ta aa kanɛ. Dɛ ba ta berɛ kwaa ma deene a warɛ mɔɔ.

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Lewi Dea Tena 26:22

Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.

Emɔs 5:3

Nemenɛ Korowii ŋɔ, “Bwɛjen bɛl lɔ Israel harɛ ta, dɛ́ kpɔ laa tena kaɡboŋ la laa, kɛ nɛra lafa ɡboo dɛ́ berɛ ba. Bwɛɛ bɛl ɡe kpɔ laa tena lafa la, kɛ ba nɛra fi ɡboo dɛ́ berɛ ba.”

Amanesoma Mak Aa Chwera Tɔn 13:20

Dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Kɛ o koh o nɛra waa chal ba dɛ lɛɛ ba ba teŋɛ o nɛɛ la waa dɛ teŋe tɔpechɔɡa la ane ta.

Mmarare 1:10

Korowii he naawa aa tomɔ ɡelɔ taraken he mun ya dɛ warɛ kɛŋɔ weweela ken.

Mmarare 1:11

Ó ɡel he ya ɡɛ bele kaɡboŋ, dɛ́ swee andɛɛɡa tɛ heya, ɡɛ waa baɡɛ heyaa nyoa la.

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.