Mmarare 28:52 - mzwDBL

⁵² Wɛɛ ɡeloo he dɔma tɔ heyaa do bwɛjena waa kpɔa dɛɛ ba heyaa tɛɛ la bwa ta, ásɛ he lɔ harɛ. Ásɛ danjwɛkpeɡa haa maa bara dɛɛ hwɛɡɛ a ta la choɡli.

Mmarare 28:52 ပူးပေါင်းရင်းမြစ်များ

2 Koranar 18:13

Kooro Hɛsɛkea aa di kora bene fi dɛ anaarɛ ta la, Asiiria koojen Senakerib kpɔ o laa tena, dɛ ba yo Juda harɛ ta bwɛjena baa ma danjwɛkpeɡa bara, dɛ pɔ ba nɛ.

2 Koranar 6:29

N sɛoh ya daa n kon la chwe, asɛ tɔ aa pera la n la dɛ ka ŋɔ ó ɡel ya kpo o kon la chwe, asɛ o lawɔ sɔh.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Jeremia 10:17

Jerusalam tena, hé boa he laala nyoa, dɛ́ le harɛ la ta, he dɔma chɔɔ bar heyaa dɛ́ ba yo heya.

Jeremia 10:18

Anomanta, Korowii ŋɔ, “Mɛɛ doŋi nɛra baa soɡe harɛ nɔ taa, dɛ́ kpɔ wenaale kohona ba ta ba nɛ, ásɛ ba laɡ ba kaa.”

Jeremia 37:8

Ásɛ Babelɔn laa tena la berɛ ba ja dɛ́ ba yo bwɛjen nɔ nɛra dɛ́ pɔ ba nɛ, ásɛ dɛ fuh o bwa ja.

Wiile 2:2

O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Lewi Dea Tena 26:25

Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba.

Sekaria 12:2

“N dɛ ba ɡela Jerusalam do kɛ numol sen aa lɔ o bini tɛ harɛre aa baro la nɛra, ásɛ ba kpɔ nyɔ dɛ́ dɛɛ, dɛɛ yɛɛɡe. Dɛ ba tɔ Jerusalam do aa, bá tɔ Juda ɡe do ja.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.