Mmarare 28:48 - mzwDBL

⁴⁸ Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.

Mmarare 28:48 ပူးပေါင်းရင်းမြစ်များ

1 Koranar 8:33

Dɛ ya Israel tena yaa ɛ he nɛra nɔ ɛ wechɔɡa dɛ jo he nɛ, a che a ta ya dɔma pɔ ya nɛ, ya berɛ ba he be Dea nɔ bini dɛ ba soŋe ya wechɔɡa aa,

2 Webena 12:8

Kooro Sisak ɛɛ pɔ ba nɛɛ bá do o lɔɡa, ásɛ ba na ɡɛ n toma aa korɛ harɛre koranar toma ta.”

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Jeremia 5:19

Ba bɔɔ ɡɛ aa bala n ɛ anɔ bwa naa, Jeremia, ŋɔ ba be ŋɔ, ‘Gɛ haa dena berɛ habɔɔ kpo mɛ dɛ kaa tomɛ harɛfala voɡare la, ɡɛɛ hɛɛ ba nɛŋhɔɔhra toma ba harɛ ta.’ ”

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Wiile 1:3

Ba fiiɡi Juda tena baa lɔ Jerusalam kohona, dɛ laɡ ba laa ta kaa bojaŋ harɛ ta. Ba lɔ harɛfala ta, ba ta bosɔɔhna bɛlbwa dɔe. Ba dɔma bar ba cheme, ba ta bɔr dɔe dɛ́ le chwa kaa.

Wiile 4:4

Ba ɡelɔ nyɔɡre ne lɔr kpo bechasɔɔhne baa serewe. Bechale ɡaaɡɔ dɛɛ soŋe kondikwa, kɛ nomɛlbwa aa ban tɛ.

Ɛsekeɛl 17:12

“Bɔɔ deŋnekpeɡ tena la ba baɡle sɛɡla la mun.” Ŋɔ ba be ŋɔ, “Babelɔn kooro la Jerusalam, dɛ ka lawɛ bela kooro ne o nomonjena, dɛ kaa ba ne Babelɔn.

Ɛsekeɛl 17:3

dɛ ɡel ba jemɛ kɛ men Nemenɛ Korowii ŋɔ, ‘Keejen bɛl o kena aa kpeɡa, o pona do jaŋne dɛ do wer iro ba Lɛbanɔn, dɛ ba lawɛ peleme daa kpale waa pama kaa nyundua

Ɛsekeɛl 17:7

Dɛ keejen bɛl ɡe lole o kena do kpeɡri, o pona jaŋne dɛ do wer. Grepo daa la lune tɛrɔ kpɔ harɛ bini kaa kee la be, dɛ berɛ tɛr o kpala ɡe kaa o be dɛɛ lii kɛŋɔ wɛɛ dɔ nee le o be.

Ɛsekeɛl 23:29

Baa haeh nomanta, baa pa he komɛlbwa haa dɔa bwaa kaa, ásɛ he ka che mumɡbal, nɛra bwa nae kɛŋɔ hanjwamane. He pɛlchɔɡa ne jwamanee

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Mmarare 32:24

Lɔr ɛɛ kpo heyaa kohona he ɡwaŋre dɛ serewe, weechɔɡaa dɛɛ ba heyaa kpoora. Mɛɛ ɡeloo kpɔɡ bini ola lawɛ heya, domkpuli choɡe heya.