Mmarare 28:38 - mzwDBL

³⁸ Hɛɛ parɔɔ taeh kɛ kondikwaa tamaa kenii hɛɛ ba dɔe, dɛkalkɛŋɔ tontombɛɛ dɛɛ ba a dii.

Mmarare 28:38 ပူးပေါင်းရင်းမြစ်များ

1 Koranar 8:37

Dɛ lɔr chole harɛ la ta, kɛɛ weechɔɡa kɛɛ peuchɔɡe tao dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

Kaala 10:4

He vɛoh he ta ɡelɛ ba kaa laa, kere mɛɛ ɡeloo tontombɛ ba harɛ nɔ ta.

Aesaya 5:10

Daa katori fi nɔna, ɡalɔŋre anue ɡbo senee dɛɛ ba koo la ta lee, ásɛ kuruware lafa kondwee haa dua la, hale kuruwa fi kwara, haa dɔ.”

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Joel 1:4

Dɛ tontombɛ ane balɔ, dɛ ba di kwaa kaa laa, anɔ la aa wara yon teŋɛ dɛ́ ba di. Anɔ la aa wara baa di kaa laa, anjeɡre ane ɡe ba di dɛ́ kaa, ásɛ ane kapa ɡe yon ba di a kabora.

Joel 2:25

Korowii berɔ ŋɔ, “Mɛɛ bɔ heyaa kwaa tontombɛ la aa baa chɔɡ la kemee, anɔ la aa wara ne anjeɡre la, ne ane ɡe aa bera teŋɛ dɛ ba di, asɛ ane ɡe kapa ka mun ba dɛ ba di a kabora la. Men Korowiirii kpɔ tontombɛ aa do kɛŋɔ laa tena nɔ ba ta he nɛ.

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Emɔs 4:9

Keraŋwɛnɛ bwaa n ɡel he koo koŋkwaare chɔɡ, weela anee n kpɔ chɔɡa. Tontombɛ di he fiɡ ne ɔleve daa, kɛ he ta berɛ ba n be. Men Korowiirii bola.

Maeka 6:15

Hɛɛ du koo kwaa kɛ haa komɛlbwaa na komɛ, hɛɛ harame ɔleveree dɛ dɔ a no, kɛ haa dɔ ɛ wobɛlbwa, dɛ harame ɡrepo nɔna ɛ sen, haa dɔ nyɔ.

Haɡae 1:6

He dɛ du kwaa kohona, kɛ tamaa kenii hɛɛ komɛ, dɛɛ di kwa kɛ haa vaɡɛ. He dɛ nyɔ sen kɛ aa kanɛ dɛ́ dɛɛ heya, dɛɛ tɔ yale kɛ waa ɡarɛ dɛɛ kpo heya. He ɛ toma dɛɛ dɔ suuɡa, kɛ aa heyaa le.”

Haɡae 1:9

He soɡo dɛɛ hwɛɡɛ kɛŋɔ hɛɛ dɔ koo kwaa taeh, kɛ a berɔ ba do tamaa ken. Anɔ la haa ba a ne dem la, ń chɔɡa. Bɔkwa waa a ba ɡɛ nɔ? Gela haa ɡel n Dea o chɔ kɛŋɔ dimɡbee he sie beɡre he kwaa ta la waa.

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.

Mmarare 28:42

Daa ne kondikwaa haa du la, tontombɛ ɛɛ chɔɡ a bwaa.