Mmarare 28:36 - mzwDBL

³⁶ Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.

Mmarare 28:36 ပူးပေါင်းရင်းမြစ်များ

2 Koranar 25:11

Laa sitɔɔ Nebusaradan lawɛ nɛra baa ka bwɛjen la ta, ne tom-ɛɛra, dɛ banɔ la baa le Kooro Sedekia habɔɔ, dɛ ka teŋɛ Kooro Nebukadnesa nɛɛ la bwa kaa Babelɔn harɛ ta.

2 Koranar 25:21

Ribla waa lɔ Hamat harɛ taa Babelɔn kooro ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Webena 36:1

Juda harɛ tena lawɛ Kooro Josia bibaa Jehoahas, dɛ fuɡe noo do o nyu ta, o chiɡ o mɛɛ naa ta, dɛ di kora Jerusalam.

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

2 Webena 36:20

Nɛra baa kaa waa wola ban kpoorɛ la, o laɡ ba kaa bojaŋ harɛ Babelɔn, ba kaa tomɛ o ne o bii dɛ ka tel kɛŋɔ harɛ bɛl baa dɛ yerɔ Pɛɛsea aa baa ir dɛɛ di kpeɡri.

2 Webena 36:6

Asɛ Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, dɛ lawɛ Kooro Jehoiakim dɛ doo ayaawa jɔɡrɔre, dɛ kpɔɔ kaa Babelɔn harɛ ta.

Aesaya 39:7

Baa larawe he ɡbaɡba naanar la banee kaa, dɛ́ ka fɔɡɛ ba lure, bá do Babelɔn koodem dɛɛ tomɛ.”

Jeremia 15:14

Mɛɛ ɡeloo he do he dɔma lɔɡa dɛɛ tom ba harɛfale haa wola o ta jemɛ ta, dɛkalkɛ n bandia iro dɛɛ fuh kɛŋɔ nii dɛɛ ba he nɛ.”

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Jeremia 39:1

Waa aa cheɡɛ a ta Jerusalam paɡre laanee nɔ, Kooro Sedekia aa di kora Juda harɛ ta bene anuanaarɛ, korobie fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka chɔ bar ba, dɛ yoo ba.

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 11:9

Mɛɛ doŋi heyaa le bwɛjen nɔ ta, dɛ́ kpɔ heyaa do nɛŋhɔɔhra nɔn ta, dɛ́ tɛr he deŋne.

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 29:17

He na voɡa aa ɛ kii kwaa ba kpɔ daa ne bwea ne suuɡapoŋa dɛ suuɡaswɛm ɛa.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

1 Samoɛl 12:25

Kɛ dɛ he ta nao dɛɛ ɛ wechɔɡa aa, he ne he kooro bwa ɛɛ serewoo.”