Mmarare 28:33 - mzwDBL

³³ Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Mmarare 28:33 ပူးပေါင်းရင်းမြစ်များ

Job Tɔn 20:18

Komɛlbwa baa ɛ toma dɔ la, baa bera tɛ, kwaa baa koah dɔ la, baa dɔ di,

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 42:22

Kɛ nɛra nɔ, ba dɔma kah ba kwaa dɛ paa kaa, dɛ laɡ ba do bɔɔne bini dɛ tɔ ba do, dɛ do ba deene ɡe. Ba ɛ nɛra baa lɛ ba kwaa bwa ba be, nomɛlbwa aa wola toole dɛ́ lɛɛ ba.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Jeremia 4:17

Ba cheɡɔ bar Jerusalam kɛŋɔ baala aa dɛ daah koo, dɛkalkɛ o nɛra ɛɛ mɛ deŋnekpeɡ. Men Korowiirii bola.’

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Jeremia 5:17

Baa di he kondikwaa bwaa, dɛ́ kpoo he bibaala ne bihaahna. Baa kpoo he peera ne naee, dɛ́ chɔɡ he ɡrepo ne fiɡ daa bwa. Baa chɔɡ he bwɛjena baa ma danjwɛkpeɡa bara, hɛɛ hwɛɡɛ a ta bwaa.”

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Ɛsekeɛl 25:4

Anomanta, mɛɛ ɡeloo nɛra le wee leebɔr bá yo heya, dɛ́ pɔ he nɛ. Baa baŋre ba tɛnte deene he harɛ taa dɛ́ so, dɛ́ di he daa nɔna, dɛ́ nyɔ he kondɛɛra elne.

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Mmarare 28:34

Hɔhɔrɔwa haa na la ɛɛ berɛɛ choɡlaa.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.

Sitɔɔla 6:3

Saŋ bɛlbwa Israel tena la aa parɛ ba kooni dɛ du kwaa la, ɡɛɛ Midian ne Amalɛk tena dɛ harɛre aa lɔ wee leebɔr nɛra yon ka jo harɛ la ta dɛ́ lɛ dɔɔh.

Sitɔɔla 6:5

Ba cheɡɛ ba tɛnte deene ba ne ba kondɛɛra fuɡe le aa, ba do kɛŋɔ tontombɛ ken. Haa won kure ba ne ba nyoɡmare. Ba dɛ so harɛ la ta dɛ́ chɔɡ ba kwaa bwa.