Mmarare 28:30 - mzwDBL

³⁰ Nɛn ɛɛ ɛ haah bwara waa, kɛ nomɛlee dɛ́ berɛ moo. Hɛɛ ma deaa, ásɛ nomɛl laa lɛ he be haa wola o binii dɔ chɔ. Hɛɛ du daa haa a nɔnaa dɔ di.

Mmarare 28:30 ပူးပေါင်းရင်းမြစ်များ

2 Samoɛl 12:11

Men Korowii, n ŋwɛɛrɔ kɛŋɔ he ɡbaɡba dem nɛnee mɛɛ ba ɡela ó kpɔ sibeɡra ba ta he nɛ. Mɛɛ lawɛ he haahnaa tɛ naate he siwi ta, ásɛ o laɡ ba chɔ webaŋa.

Job Tɔn 20:18

Komɛlbwa baa ɛ toma dɔ la, baa bera tɛ, kwaa baa koah dɔ la, baa dɔ di,

Job Tɔn 3:18

Belaa nɛra baa laɡ ba do deene bwara ɛɛ sɔɔh ba, baa nyɛɡa ne dokpeɡa bɛlbwa na kpa.

Job Tɔn 31:10

amɔ Korowii ɡel n haah ka ɛ kondikwaa dɛɛ tɛ baa bɛl, ásɛ dɛ kaa chɔ baala bane habɔɔ.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Wiile 5:11

Ba ɡuɡri haahna dɛ laɡ ba chɔ Saayɔn Bwejen ta, ɡɛɛ ba ɛ toli baa wola baala jemɛ ɡe Juda harɛ bwɛɛ bɛlbwa ɡe ta.

Wiile 5:2

Harɛ waa ɛ ya kapɛrɛ kon kaa di nɛŋhɔɔhra nɔn ta, harɛfala nɛra lɛ ya deremi dɛ so a ta.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Maeka 6:15

Hɛɛ du koo kwaa kɛ haa komɛlbwaa na komɛ, hɛɛ harame ɔleveree dɛ dɔ a no, kɛ haa dɔ ɛ wobɛlbwa, dɛ harame ɡrepo nɔna ɛ sen, haa dɔ nyɔ.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Sefania 1:13

Ba dɔma ɛɛ pa ba kondɔɔh bwaa kaa, dɛ́ chɔɡ ba deene. Baa ma deenee, kɛ baa a binii so, dɛ́ parɛ ɡrepo daa kooni, baa a nɔnaa dɔ ɛ sen nyɔ.”

Mmarare 28:31

Baa lawɛ he nawee kpo he siwi ta haa wola o olii dɔ chwe, dɛ́ teɡɛ he keeɡore dɛɛ kaa he siwi na haa an dɔ kpa. Dɛ́ berɛ lawɛ he peera tɛ he dɔma nomɛlbwa aa wola toole dɛ́ lɛa tɛɛ.