Mmarare 28:29 - mzwDBL

²⁹ Hɛɛ dɛɛ laɡre bɔree webaŋa kɛŋɔ nyoŋa ken haa wola bɔree na. Wobɛlbwa haa dɛ ɛ ɡe aa heyaa kɛrɛdɛɛ chiɡ bwa. Baa lɔɔ heyaa dɛ́ pa he laala kɛŋɔ laa ta kwa ken, nomɛlbwa aa wola lee do dɛ́ cha heya.

Mmarare 28:29 ပူးပေါင်းရင်းမြစ်များ

Aesaya 59:10

dɛɛ laɡre bɔr bobɛlbwa, kɛŋɔ nyoŋa aa dɛ ɡaaɡe. Ya won naa lɔe webaŋa kɛŋɔ jwaana, weera bini la, ya do kɛŋɔ nɛra baa serewa.

Job Tɔn 5:14

Biro dɛ ba ba nɛɛ webaŋa, baa laɡre bɔr kɛŋɔ jwaana ken.

Sitɔɔla 13:1

Israel tena ɛ wechɔɡa dɛ jo Korowii nɛɛ ja, anomanta, o kpɔ ba do Filisti tena nɔn ta ba fiɡ ba bene fifraanaarɛ.

Sitɔɔla 10:8

ba yoo ba a bena la, dɛ den pɔ ba nɛɛ kwaraa. Ba ɛ Israel tena la bwa baa lɔ Jɔɔdan Moo wee leebɔr, dɛ do Gelead harɛ o fa aa ɛ Amɔre tena la harɛ hɔhɔrɔwa bene fi dɛ anuatoro.

Sitɔɔla 3:14

Israel tena tomɛ Moab Kooro Ɛɡlɔn bene fi dɛ anuatoro.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

We-ɛɛla 21:24

Kpɔ ba la Korowii Dea, ásɛ he ne ba ka pɛ ɛ we-ɛɛla haa dɛ ba ɛɛ, ásɛ dɛ laa doŋa kpɔ he nɛɛ la. He laŋaa, hé bɔ ba kem aa chɛ kɛ ba bɔ waa la ta la tɛɛ ba, ásɛ ba won fonɛ ba nyuune. He ɛ ken aa, nɛra bwa ɛɛ jemɔɔ kɛŋɔ haŋaa ba haŋɛ he nyoa. Baa nao kɛŋɔ he ɡbabir dɛ teŋɛ Mosis Mmara la ta.

Sefania 1:17

Korowii ŋɔ, “Mɛɛ kpɔ a ɡɛ wenaale nɔɔ ba ta nɛra baa ɛ wechɔɡa dɛ jo n nɛ, ásɛ baa laɡre bɔr kɛŋɔ nyoŋa ken. Baa ɛɛ mɛ wechɔɡa nomanta, mɛɛ fuɡe ba chalee ta kɛŋɔ nee ken, ásɛ ba lala chɔ dɛ́ pɔh.”

Wiile 5:17

Gɛ ɡelɔ ya bambili bwa chɔɡ, siniire nomanta, ya sibie swɛɛrɔ, yaa wone dɛɛ na kɛrɛdɛ kpa,

Wiile 5:8

Yomaa bera dɛɛ nyiŋi ya nɛ, nomɛlbwa toole dɛ́ won lɛ yaa le kpeɡri baa dɛ di ya nɛɛ ta.

Job Tɔn 12:25

Dɛ do biro ta dɛɛ laɡre, dɛɛ yɛɛɡe kɛŋɔ sennyɔdɛɛra ken.”

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

Mumpar 19:11

Asɛ ba ɡel nɛra baa cheɡɛ baŋ la bwa piɡri nyoŋe, ba ta wone na buse la doonyoa bɔr kpa.

Kaala 10:21

Korowii berɛ ŋɔ Mosis be ŋɔ, “Tɛr he nɔn pa nyundua ásɛ biro kpirkpirkpir ba tɔ Ijipt harɛ bwa.”

Mmarare 28:28

Dɛ́ berɛ ɡel he liire chɔɡ, hé nyoŋe ásɛ he tea bini ɡe chɔɡ.

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Wiile 4:14

A ɡɛ keamere ne sɔfore la dɛ ɡaaɡe fɔɡbaahna kɛŋɔ nyoŋa ken. Nɛra aa cheɡɛ ba nɛɛ ba serewe, ba chale do ba nɛɛ la ɡelɔ ba kah doŋa, anomanta, nomɛlbwa aa won leɡ ba.