Mmarare 28:28 - mzwDBL

²⁸ Dɛ́ berɛ ɡel he liire chɔɡ, hé nyoŋe ásɛ he tea bini ɡe chɔɡ.

Mmarare 28:28 ပူးပေါင်းရင်းမြစ်များ

Mumpar 19:11

Asɛ ba ɡel nɛra baa cheɡɛ baŋ la bwa piɡri nyoŋe, ba ta wone na buse la doonyoa bɔr kpa.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Aesaya 43:19

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Jeremia 4:9

Korowii ŋɔ, “Awola tɔpere la, kooro ne nomonome bwa bambile ɛɛ teŋoo, sɔfore nyoa kpo kohona, ásɛ bɔyɔra kohona chole n keamere nɛ.”

Wiile 4:14

A ɡɛ keamere ne sɔfore la dɛ ɡaaɡe fɔɡbaahna kɛŋɔ nyoŋa ken. Nɛra aa cheɡɛ ba nɛɛ ba serewe, ba chale do ba nɛɛ la ɡelɔ ba kah doŋa, anomanta, nomɛlbwa aa won leɡ ba.

Ɛsekeɛl 4:17

Kondikwaa ne nee waa ɛɛ do tɔɡree ba ɡwaŋre. Ba bɔra ɛɛ yɔr dɔŋa nɛɛ, bá serewe ba wechɔɡa wa.”

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

Mmarare 28:27

Korowii ɛɛ ɡeloo ɔɡra ne ŋwɛra aa ba Ijipt tena nɛɛ la dɔŋa chole he nɛ, haa wola won chah.

Mmarare 28:29

Hɛɛ dɛɛ laɡre bɔree webaŋa kɛŋɔ nyoŋa ken haa wola bɔree na. Wobɛlbwa haa dɛ ɛ ɡe aa heyaa kɛrɛdɛɛ chiɡ bwa. Baa lɔɔ heyaa dɛ́ pa he laala kɛŋɔ laa ta kwa ken, nomɛlbwa aa wola lee do dɛ́ cha heya.

Mmarare 30:1

Mosis ŋɔ Israel tena be ja ŋɔ, “N tɛ heyaa webele anɛ, ɡɛ haa ɛ dɛ́ na som, ne waa aa ba taahna ne he nɛ. Dɛ anɔ bwa baa chiɡ asɛ Korowii lɔ heyaa peɡre harɛre ta naa, belaa hɛɛ ba webele anɛ maa kpɔa tɛ heyaa la liira.

Josua 8:34

A habɔɔ la, Josua kure Mmara la bwa baɡ ba, anɔ la Korowii aa swee andɛɛɡa do a ta, ne anɔ la aa ɛ taahna waa bwa. O kura ɡɛ tenten baa chwera la.

1 Samoɛl 16:14

Dɛ Korowii Doma la le Kooro Sɔɔl nɛ, asɛ o ɡel kwaa ir o nɛɛ dɛ ɡel o bwara ɛɛ nyɛɡ.