Mmarare 28:27 - mzwDBL

²⁷ Korowii ɛɛ ɡeloo ɔɡra ne ŋwɛra aa ba Ijipt tena nɛɛ la dɔŋa chole he nɛ, haa wola won chah.

Mmarare 28:27 ပူးပေါင်းရင်းမြစ်များ

1 Samoɛl 5:6

Korowii tɛr Asdɔd ne bwɛɛre aa baro cheme nɛra deŋne kɛrɛdɛ, dɛ kpɔ ɔmee kohona ta ba nɛ. O kpɔ ɔɡra ne ŋwɛra ta ba nɛ.

Mmarare 28:35

Korowii ɛɛ ɡeloo ŋwɛra aa dɛ we haa wola won chaah chole he nɛ, ɔɡra ɔɡre le he nyu ta ba ta he napaala ta.”

Lewi Dea Tena 21:20

ne chacha te kɛɛ kiribi te, ne nɛn waa dɔ siweela te bwa soo siwi kɛɛ bwadabii weela kɛŋɔ ŋwɛra aa dɛ wi ne, kɛɛ o lure aa chɔɡa.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 9:9

Aa berɛ tutuɡii dɛ́ tɔ Ijipt harɛ bwa, ásɛ ɔɡra chole kondɛɛra ne nɛra baa lɔ harɛ la ta bwa nɛ dɛ́ pili ŋwɛra.”

Aesaya 3:17

Anomanta, Korowii ɛɛ ɡeloo Saayɔn haahna nyubaahna chuɡri ŋwɛra, ásɛ ba nyuune ɡba.

Yela 78:66

O ɡelɔ o dɔma peɡre, ba di sihiih saŋ bɛlbwa dɛɛ la.

1 Samoɛl 5:12

Banɔ la baa wola serewɛ la, ɔɡra ɔɡ ba ba wi dɛɛ yerɛ ba voɡa ŋɔ á ba lɛɛ ba.

1 Samoɛl 5:9

Baa kpɔ Daka la kaa Gat kwaraa la, Korowii tɛr bwɛjen Gat tena deŋne ɔmee kohona chole ba nɛ. O kpɔ ɔɡra ba ta bechale ne nomonome bwa nɛ.

Kaala 9:11

Anɔ te la, dobodobo tena la ta wone ba che Mosis sie kpa, dɛkalkɛ dɛ ɔɡra la ɔɡre ba ne ba bwɛɛ la tena bwa.

Mmarare 7:15

Korowii ɛɛ kpɔ nɔnee tɔ he nɛɛ dɛ́ le weela bɛlbwa ta. Waa ɡel weechɔɡa haa naa Ijipt harɛ ta la ba he nɛ. Nɛra baa hah heyaa la nɛɛ wɛɛ ba kpɔe ta.

Mmarare 28:28

Dɛ́ berɛ ɡel he liire chɔɡ, hé nyoŋe ásɛ he tea bini ɡe chɔɡ.

Emɔs 4:10

N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.

Kaala 9:10

Mosis ne Arɔn ɛ tɔɔ la, dɛ ka che kooro sie. Asɛ Mosis taa nyundua, asɛ ɔɡra chole lee nɛra ne kondɛɛra nɛ, dɛ pili ŋwɛra.