Mmarare 28:25 - mzwDBL

²⁵ Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mmarare 28:25 ပူးပေါင်းရင်းမြစ်များ

1 Koranar 8:33

Dɛ ya Israel tena yaa ɛ he nɛra nɔ ɛ wechɔɡa dɛ jo he nɛ, a che a ta ya dɔma pɔ ya nɛ, ya berɛ ba he be Dea nɔ bini dɛ ba soŋe ya wechɔɡa aa,

2 Webena 28:8

Israel tena lawɛ Juda tena ba fe aa ɛ ba lolanar laa ta, nɛra kaɡboŋa lafraanɛ baa ɛ ba haahna ne bihaahna dɛ bibaala. Ba berɔ pa ba laala aa wara laa la ta, dɛ ba a ne Samaria.

2 Webena 29:8

Korowii koh a wa, asɛ o baah di Juda ne Jerusalam tena nɛ, asɛ o tɛr ba deŋne nomɛlbwa bwara yɔr dɛɛ ɔmɛ. Hé ɡbabir jemɔ kɛrɛdɛ.

2 Webena 6:24

Dɛ ya Israel tena yaa ɛ he nɛra nɔ ɛ wechɔɡa dɛ jo he nɛ, a che a ta ya dɔma pɔ ya nɛ, ya berɛ ba he be Dea nɔ bini dɛ ba soŋe ya wechɔɡa aa,

Aesaya 30:17

He nɛra kaɡboŋ ɛɛ na he dɔm beŋkpoŋii dɛ ɔmɔ dɛ́ chwa, he dɔma banue ɛɛ ɡeloo he bwa chwa, a ka he laa fraŋkaa ɡbo pa deŋɡare ta.”

Jeremia 19:7

Bonɔɔ mɛɛ ba Juda ne Jerusalam tena vɔrɔwa baa vɔrɔwa bil bwa chɔɡa. Mɛɛ ɡeloo ba dɔma pɔ ba nɛɛ dɛ́ kpoo ba laa ta, ásɛ ba ola berɛ jumbii ne kpɔɡ bini ola kondikwa.

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Ɛsekeɛl 23:46

Nemenɛ Korowii ŋɔ, “Nɛ́nlaa wur ba, dɛ́ ba tɔ ba nɛ, dɛ́ do ba sibeɡra, dɛ́ pa ba laala kaa.

Hosia 8:3

Israel tena vɛh waa aa wera, anomanta, ba dɔma ɛɛ ti ba a waa.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Mmarare 28:7

Korowii ɛɛ pɔ he dɔma nɛɛ tɛ heya. Baa kpɔ ŋwɛnɛ beŋkpoŋ taa dɛ́ ba yo heya, kɛ wɛɛ ɡeloo ba chwa peɡre.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Josua 7:4

Ate, baala dɛ ɛ kaɡboŋa batoro la bela, kɛ Ai tena kpeɡri ɡwaa banɛ, asɛ ba laa berɛ.

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

1 Samoɛl 4:10

Anomanta, Filisti tena la yo Israel tena dɛ pɔ ba nɛ, asɛ bɛlbwa chwa ka so ba deremi. Nɛra baa serewa warɔ taeh, Israel laa tena kaɡboŋa fifraatoroo ba kpoo.