Mmarare 28:22 - mzwDBL

²² Wɛɛ ba weela aa dɛ bu nee, kabul ne ɔɡra, dɛ́ berɛ ɡel hwel che bɔr wɔrɔbe, ásɛ he konduula chɔɡ. A ɡɛ wekpeɡa nɔ bwa ɛɛ chole he nɛɛ ka tel kɛŋɔ haa serewa.

Mmarare 28:22 ပူးပေါင်းရင်းမြစ်များ

1 Koranar 17:7

Aa dɛ biɡri bwaala aa wola nɛ la, nee la hweehrɔ.

1 Koranar 8:37

Dɛ lɔr chole harɛ la ta, kɛɛ weechɔɡa kɛɛ peuchɔɡe tao dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

2 Webena 6:28

Dɛ lɔr chole harɛ la ta, kɛɛ weechɔɡa kɛɛ peuchɔɡe ta dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Emɔs 4:9

Keraŋwɛnɛ bwaa n ɡel he koo koŋkwaare chɔɡ, weela anee n kpɔ chɔɡa. Tontombɛ di he fiɡ ne ɔleve daa, kɛ he ta berɛ ba n be. Men Korowiirii bola.

Haɡae 1:11

N ɡelɔ hwel che harɛ ne deŋɡarere ta, ne mea kooni, ne ɡrepo ne ɔleve daa kooni, ne kondikwaa aa dɛ le harɛ la ta, ne nɛra, ne nae dɛ toma haa kpɔ he nɔɔra dɛɛ ɛ ta.”

Haɡae 2:17

N ɡelɔ peuwɔb ne dombwea ba chɔɡ he kwaa haa dua bwa, kɛ he ta he liire charɛ dɛ ba n be. Men Korowiirii bola.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Mmarare 28:23

Bwaala aa nɛɛ ba, ásɛ he harɛ hol dɛ́ do kpeɡri kɛŋɔ bwe ken.

Mmarare 32:24

Lɔr ɛɛ kpo heyaa kohona he ɡwaŋre dɛ serewe, weechɔɡaa dɛɛ ba heyaa kpoora. Mɛɛ ɡeloo kpɔɡ bini ola lawɛ heya, domkpuli choɡe heya.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.