Mmarare 28:21 - mzwDBL

²¹ Wɛɛ ba weela nee ba ta he nɛɛ harɛ haa dɛ la ka kpɔ so la ta ka tel kɛŋɔ he bwa aa hea le o ta.

Mmarare 28:21 ပူးပေါင်းရင်းမြစ်များ

2 Samoɛl 24:15

Anomanta, Korowii kpɔ weechɔɡa ba ta Israel harɛ ta, le awola chɔɔ ka tel saŋ waa lea cheɡ ta, asɛ baala kaɡboŋa fifraanuanɛ sewɛ dɛ le Dan ba kaa Beɛseeba.

1 Koranar 8:37

Dɛ lɔr chole harɛ la ta, kɛɛ weechɔɡa kɛɛ peuchɔɡe tao dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

Kaala 5:3

Asɛ Mosis ne Arɔn chaŋe ŋɔ, “Korowii Hibru tena aa dɛ tomɛ la ba ya be, anomanta, tɛ yaa ŋwɛnɛ ya ka ɡaaɡe tɔpera atoro pua hɛŋle ɡbo harɛ ta, dɛ́ ka kpoo kwaa ɛ saraha tɛ Korowii yaa dɛ tomɔ. Dɛ ɡɛ laa, wɛɛ kpɔ laa kɛɛ weechɔɡaa ba kpoo yaa.”

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 24:10

Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Lewi Dea Tena 26:25

Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba.

Emɔs 4:10

N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Nɛra Kura 14:12

Weechɔɡaa mɛɛ ba kpɔe ba ta ba nɛ dɛ́ kpoo ba, kɛ he te, mɛɛ ɡeloo he mun ya kohona dɛ́ warɛ, dɛ́ do kpeɡri ɡwaa ba ɡɛ n fe aa ŋɔa mɛɛ ɛɛ ba la.”

Nɛra Kura 25:9

Nɛra baa serewe weechɔɡa la ta lɔ nɛra kaɡboŋa fifraanɛ dɛ banaarɛ.

Matiu 26:7

Yeesu aa lɔ dem bela dɛɛ di kwaa la, haah bɛl kpoŋe nosɔɔhsoma ane a yoɡ aa kpeɡa a su loŋ bɛl dɛ ba o be, asɛ dɛ ba fuɡe do Yeesu nyu ta.