Mmarare 28:13 - mzwDBL

¹³ Dɛ he teŋɛ o waa maa kpɔa dɛɛ tɛ heyaa fini nɔ ta naa, wɛɛ ɛ heyaa sitɔɔla harɛre nɛra bwa nɛ. Haa ba nɛɛ teŋɛ bwa, he wobɛlbwa ɛɛ do werii haa wola harɛɛ lɔ bwa.

Mmarare 28:13 ပူးပေါင်းရင်းမြစ်များ

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Jeremia 31:7

Korowii ŋɔ, “Hé ɡo silɛɛ yela tɛ Israel tena, ba harɛɛ kana harɛre bwa bini. Hé ɡo kpɛɛra yel ŋɔ, ‘Korowii lɛ o nɛra banɔ la baa kaa la bwa.’

Mmarare 15:6

Korowii haa dɛ tomɔ nɔ ɛɛ swee heyaa andɛɛɡaa, ɡɛ waa baɡɛ heyaa nyoa la. Harɛre nɛra ɛɛ baa kemɛ suuɡa he bee, kɛ he te aa ba bee la ka kemɛ bwa. Gɛ ɡee hɛɛ ba kpeɡri dii harɛre ɡalɡa nɛra nɛ, harɛ bɛlbwa nɛra te aa won di kpeɡri he nɛɛ bwa.

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Mmarare 28:1

Mosis berɔ ŋɔ, “Dɛ he do sie dɛɛ teŋɛ Korowii haa dɛ tomɔ nɔ waa maa dɛ bol he be fini nɔ ta kɛrɛdɛ naa, wɛɛ ɡeloo he sɔn le ɡwaa harɛre nɛra bwa.

Mmarare 28:43

Hɔɔhra baa so he bini la ɛɛ nao dɛɛ dɛɡ, dɛɛ di kpeɡri he nɛ, ásɛ he te na dɛɛ kaa mun ta.

Mmarare 28:44

Baa dɔ suuɡaa ásɛ he kaa kemɛ, kɛ he te aa anee dɔ dɛ kem ba bwa, ba den ɛ he nomonome dɛɛ nyiŋi he nɛ.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,