Mmarare 28:12 - mzwDBL

¹² Wɛɛ pili nyundua dɛ́ nɛ bwaala saŋ waa wera ta, dɛ́ kpɔ cha he toma ásɛ he dɔ dɛ́ kpɔ ane cha harɛre ane ɡe, he te aa wola ba bee la ka kemɛ bwa.

Mmarare 28:12 ပူးပေါင်းရင်းမြစ်များ

1 Koranar 18:1

Hwel la aa cheɡa bene atoro la, Korowii bol Elaeja be ŋɔ, “Kpɔ he te ka baɡle Kooro Ahab, ásɛ n ɡel bwaala nɛ harɛ la ta.”

Job Tɔn 38:22

He jemɛ bela maa ɡela mɛn ne dombwea do aa?

Yela 135:7

O ɡelɔ baama aa dɛ nɛ bwaala ir dɛɛ le harɛ jaɡa, dɛ ɡel bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Sɛɡla 22:7

Gɛ suuɡate aa dɛ di kpeɡri nyaa nɛɛ la, ɡɛɛ nɛn waa di kem la ɛ nɛn waa kemɔ suuɡa la bonɔɔ.

Ɛsekeɛl 34:26

Mɛɛ swee ba ne harɛre aa chɔa bar n bwejen waa do ɡoroŋ dɛ do Jerusalam la andɛɛɡaa. Mɛɛ ɡeloo bwaala nɛ o saŋ ta, á ɛ bwaala dɛɛɡa.

Lewi Dea Tena 26:4

mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ.

Mmarare 11:14

wɛɛ ɡeloo bwaala nɛ heyaa saŋ aa chɛa ta, bwaala loɡla ne yoo bwaala bwa, ásɛ mea ne senfala ne ɔleve noo bu he nɛ,

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 15:10

Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Mmarare 15:6

Korowii haa dɛ tomɔ nɔ ɛɛ swee heyaa andɛɛɡaa, ɡɛ waa baɡɛ heyaa nyoa la. Harɛre nɛra ɛɛ baa kemɛ suuɡa he bee, kɛ he te aa ba bee la ka kemɛ bwa. Gɛ ɡee hɛɛ ba kpeɡri dii harɛre ɡalɡa nɛra nɛ, harɛ bɛlbwa nɛra te aa won di kpeɡri he nɛɛ bwa.

Mmarare 23:20

He dɔ ŋwɛnɛ kɛ he lɛ hɔɔh te kon haa kpɔa kemɔ la ne. Kɛ he dɔŋ Israel tee yaa, ŋwɛnɛ toole kɛ he lɛ, ásɛ Korowii haa dɛ tomɔ nɔ sweere andɛɛɡa komɛlbwa haa ɛ harɛ haa dɛ la ka so o ta la ta.

Mmarare 28:24

Korowii ne bwaala nɛɛ dɛ tɛ heyaa la, tutuɡ ne tɔɔ wɛɛ ba ɡela a le nyundua ba he nɛɛ kɛŋɔ bwaala aa dɛ nɛ la, ka tel kɛŋɔ he bwa aa serewa.

Mmarare 28:44

Baa dɔ suuɡaa ásɛ he kaa kemɛ, kɛ he te aa anee dɔ dɛ kem ba bwa, ba den ɛ he nomonome dɛɛ nyiŋi he nɛ.