Mmarare 27:26 - mzwDBL

²⁶ Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”

Mmarare 27:26 ပူးပေါင်းရင်းမြစ်များ

2 Koranar 22:13

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

Ɛsra 7:26

Nomɛlbwa waa ɛ deŋnekpeɡ Korowii haa dɛ tomɔ mmarare kɛɛ koojen mmarare ta la, a chɛ kɛ bá kpoo buɡ la ta, kɛɛ dɛ́ doŋu le o harɛ ta, kɛɛ dɛ́ kpɔ nɔn dawɛ o komɛlbwa waa dɔa ta, kɛɛ dɛ́ lawɔ ka do dea, ásɛ a ɛ deŋnetɛra tɛo.”

Yela 119:21

He dɛ kah mbarafo tena, dɛɛ taah nɛra baa vɛh he waa ta teŋa.

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Tɔn Pɔɔl Aa Chwerɛ Rom Tena 10:5

Kenii Mosis bol nɛra baa dɛ nyin ba che Mmara ta teŋa ta ásɛ ba waa su Korowii siwi la wa. O ŋɔ, “Nomɛlbwa waa dɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta.”

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

2 Kɔrent 3:9

Waa aa ɡela nɛra ɛɛ di bolchɔɡe Korowii sie la dɔ jirima ken aa, dɛ anɔ la aa ɡela nɛra ɛ nɛndɛɛɡa ba wa ɛɛ su o siwi la, ɛrɛɛ a jirima ɛɛ ba doe yɔ?

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’