Mmarare 23:23 - mzwDBL

²³ Anɔ la aa le he nyoa la, nyiŋi kɛrɛdɛ dɛ́ ɛa, dɛkalkɛŋɔ henee ta tea dɛ baɡɛ Korowii haa dɛ tomɔ nɔ nyoa.

Mmarare 23:23 ပူးပေါင်းရင်းမြစ်များ

Yela 116:18

He nɛra warɔ dɛ cheme aa, belaa mɛɛ ba n nyobaɡa maa baɡɛ la chuɡra,

Yela 50:14

Hé kpɔ jam ɛ saraha tɛ men Korowii, dɛ́ ka chuɡri he nyobaɡa bwa Nemenɛ Korowii be.

Sɛɡla 20:25

He toolo baɡɛ Korowii nyoa aa, a ɛ bel dɛ chɔ kpae, a habɔɔ a ba ɛ waa dawɛ he nɛ.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Lewi Dea Tena 27:2

“Kpɔ waa maa dɛ ba bola nɔ tɛ Israel tena. Dɛ nomɛl kpɔ nɛn tɛ Korowii dɛ́ kpɔ pur nyobaɡa aa, suuɡa aa chɛ kɛŋɔ bá bɔ o nyu ta ó dɔ o te laanee

Nɛra Kura 30:2

“Dɛ nomɛlbwa baɡɛ Korowii nyoa kɛɛ dɛ ŋwɛɛ ntam waane ta naa, o bɛ ɡel a chɔ. Ó ɛ wobɛlbwa waa ŋɔa wɛɛ ɛo la.

Matiu 5:33

Anee Yeesu berɛ ŋɔ, “He noɔ kɛ baa ŋɔ saŋ la tena be ŋɔ, ‘He bɛ waa haa baɡɛ nyoa dɛ ŋwɛɛ a ta la ta koni. Hé ɛ waa la tɛ Korowii.’

We-ɛɛla 23:12

Tɔ aa pera la, Juu tena la bane chemo dɛ vɔrɔwe waane. Ba ŋwɛɛ ntam ŋɔ dɛ ba ta Pɔɔl kpoe yaa, ba bɛlbwa bɛ kwaa di, o bɛ nee nyɔ. Ba ŋɔ nomɛlbwa waa to ntam la, Kórowii kpoo.

We-ɛɛla 23:21

Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”

Mmarare 23:22

Dɛ he ta nyoa baɡaa, a ta wechɔɡa ɛɛ.

Mmarare 23:24

Dɛ he jo he dɔŋ bɛl daa koo ta naa, di daa la nɔna bɛlbwa ɡɛ haa dɛ nyin, kɛ bɛ ane kpɔ do he pur bini.

Josua 9:18

Israel tena la ta ban kpoorɛ, dɛkalkɛŋɔ dɛ ba nomonome ne ba fa tɔ sie fɔwɛ darame fɔo Israel tena Korowii baa dɛ tomɔ sɔn ta. Dɛ Israel tena la dɛ naɡre ba nomonome la waa kɛŋɔ baa ɛ ɡɛ la.

Sitɔɔla 11:35

Waa na o bihaah la, o tea bini chɔɡɔ, o laa laala waa doa la kɛɛ dɛ do lɔŋɔ ŋɔ, “Aa, n bie! He ɡelɔ n loo ku! N baɡɛ Korowii nyoa maa wola won berɛ nyoa kpa.”

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

1 Samoɛl 14:24

Lɔr kpo Israel tena ba ɡwɛɡre awola, dɛkalkɛ dɛ Kooro Sɔɔl ŋwɛɛrɔ kɛŋɔ ba bini bɛlbwa waa di kondikwaa mɔɔ wee le la, nyotaahna lawɛ naate mɔɔ ó tɔ o dɔma wel. Anomanta, o laa tena la bɛlbwa ta kondikwaa dii.