Mmarare 22:24 - mzwDBL

²⁴ hé kpɔ ba nɛra banɛ la bwa kaa bwɛɛ la doonyoa dɛ́ ka foɡ ba bwea kpo. Haah la kpoe munii kɛŋɔ, o ta lɔŋɔre doe soŋe lɛɛ, bwɛɛ bini ɡee. Baa la kwaa munii kɛŋɔ, o chɔɡ o dɔŋ haah. Gɛɛ dɛ́ le ɡɛ wechɔɡa la ne Israel harɛ ta.

Mmarare 22:24 ပူးပေါင်းရင်းမြစ်များ

Mumpar 29:21

Tɔpere la aa tela la, Jekɔb ŋɔ Laban be ŋɔ, “Bene anuanɛ la telo, tɛ mɛ n haah la ásɛ n mo name.”

Job Tɔn 31:11

A fe ɛ sihihwa, dɛ ɛ wechɔɡa aa chɛ kɛŋɔ bá bol a waa dɛ́ pa bole.

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Matiu 1:24

Josef aa ir dom ta la, o ɛ ɡɛ Korowii nyundua torome la aa ŋɔ o be la, dɛ kpɔ Mɛɛre ba o dem.

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

1 Kɔrent 5:2

A fe chɛ kɛŋɔ he ɡel he tea bini chɔɡ waa nɔ wa, asɛ hɛɛ maŋkura he te la. Aa were kɛŋɔ ɡɛ nɛn la ta ja he bini kpa!

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 17:7

Dɛ a ba ɡɛ naa, danseɛ tena la tɔ sie kpɔ bwea foɡro mɔɔ nomɛlbwa teŋɛ. Gɛ ŋwɛnɛ nɔ taa hɛɛ ba wona laa ɡɛ wechɔɡa nɔ kpɔ he bini.

Mmarare 21:14

Dɛ a balɔ kɛŋɔ haa on nyin kpa aa, kpɔ o bwara kɛo. Bɛ on yoɡ lɛ suuɡa, bɛ on ɛ kɛ yom, dɛkalkɛŋɔ henee chemo.”

Mmarare 22:23

Dɛ he berɔ too na baa bwɛɛ bini o lawɛ tolo baa lawɔ tɛ yal chɔ aa,

Mmarare 22:25

Dɛ baa bɛlbwa ɡuɡri tolo baa kpɔɔ tɛ yal kpɔɡ bini dɛ chɔ o ne naa, amɔ te hé kpo baa la ɡbo.