Mmarare 20:20 - mzwDBL

²⁰ Daa baa wola a nɔna di kɛɛ aa wola tɔnɔ dɔe la te, hɛɛ won teŋna, dɛ́ pa darawe dɔŋa nɛɛ bar bwɛɛ la, dɛ́ yoo ba ka tel kɛŋɔ haa pɔ ba nɛ.”

Mmarare 20:20 ပူးပေါင်းရင်းမြစ်များ

2 Koranar 3:19

Hɛɛ yo bwɛjena baa ma danjwɛkpeɡa bara ne bwɛɛre nɛra bwaa, dɛ́ pɔ ba nɛ, dɛ́ teŋni daa aa dɛ nɔnɛ bwa ta, dɛ́ tɔɔɡe neerare aa dɛ palɛ bwa nyuune. Dɛ kpɔ bwea tɔɔɡe ba harɛdɛɛɡa bwa dɛ́ chɔɡa.”

2 Webena 26:15

O ɡelɔ nɛra baa dɔ wejema kpɔ bune kwaa kwaane nɛra aa dɛ ba wona che a ta dejaŋa dor, ne danjwɛkpeɡa aa bar bwɛjen Jerusalam loŋkoni ta, dɛɛ ta hɛma ne bwejena. O sɔn leɔ kaa bobɛlbwa, dɛkalkɛ Korowii chao kohona mɔɔ o dɔ kpeɡri.

Wejereme 9:14

Dɛ bwɛjen bɛl waa wola kanɛ kohonaa fa lole, nɛra baa lɔ o ta ɡe aa kanɛ. Kɛ kooro bɛl waa kpeɡa kohona kpɔ o laa tena ba chɔ baro, dɛ ma kwaa baa che a ta jo bwɛjen la ta.

Aesaya 37:33

Asiiria koojen waa Korowii aa bola laanee nɔ. “Waa bwɛjen nɔ taa dɔ jo, á ba ɛ kɛŋɔ wɛɛ ta hɛm bonɔɔ. Waa konee kpɔ tɔ o te ɡbemɡbe dɛ́ ba o doonyoa, kɛɛ dɛ́ ma kon waa che o ta teeh jo o bini dɛ́ yo.

Jeremia 33:4

Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Ɛsekeɛl 17:17

Ijipt kooro ne o laa tena baa wara dɛ do kpeɡri, dɛ jemɛ yoi kohona la aa won chao laa ta, ɡɛ saŋ o laa tena aa ba ma teera sawɛ bwɛjen la danjwɛɛre, dɛ́ che a ta kpoo nɛra kohona la.

Mmarare 1:28

Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Mmarare 20:19

Dɛ he kaa pu bwɛɛ bɛl dɛɛ ba o bara cheme dɛ́ yoo ba biɡri aa, he bɛ bela daa teŋni ta. Dɛkalkɛŋɔ hɛɛ di a nɔnaa, daa la ta he dɔma ɛɛ.

Mmarare 21:1

Mosis berɔ ŋɔ, “A kaa ba kɛŋɔ dɛ nomɛl kpo nɛn o chɔ kpɔɡ bini, harɛ Korowii haa dɛ tomɔ nɔ aa kpɔa dɛɛ ba heyaa tɛɛ nɔ ta, dɛ háa naate waa kpoo jemaa,