Mmarare 20:16 - mzwDBL

¹⁶ Harɛ Korowii haa dɛ tomɔ nɔ aa kpɔa dɛɛ ba heyaa tɛɛ hé so o ta la te, he bɛ hweera kon te bɛlbwa ɡel a bwɛɛre ta.

Mmarare 20:16 ပူးပေါင်းရင်းမြစ်များ

Nɛra Kura 21:35

Ate, Israel tena kpo Kooro Ɔɡ ne o bibaala, dɛ o laa tena la bwa dɛ lɛ harɛ la. Ba ta nomɛlbwa ɡelɛ, asɛ dɛ so harɛ la ta.

Nɛra Kura 31:17

Hé kpoo bibaala la bwa dɛ́ kpo haah bɛlbwa waa chɔ baa ka,

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Mmarare 20:15

Gɛɛ chɛ kɛŋɔ hé ɛ bwɛjena aa lɔ bojaŋ aa wola harɛ haa dɛ ba o ta soɡa bɛne la ta.

Mmarare 20:17

Hé kpoo a bwa, Hiti ne Amɔre ne Keenan tena, ne Pɛrɛs ne Hivi dɛ Jebus tena. Hé ɛ ɡɛ Korowii haa dɛ tomɔ nɔ aa do heyaa la.

Mmarare 24:4

o jaloɡle la aa won moo, doŋa waa kpɔa dawɛ haah la nɛɛ la wa, dɛkalkɛŋɔ Korowii kii ɡɛ. He bɛ wechɔɡa kpɔ la harɛ Korowii haa dɛ tomɔ nɔ aa kpɔa dɛɛ ba heyaa tɛɛ kɛ he kon la ta.

Mmarare 31:5

Wɛɛ ɡeloo he pɔ ba nɛ, ásɛ dɛ ɛɛ ba ɡɛ n fa aa ŋɔ he be la.

Mmarare 4:21

He waa ɡela Korowii baah di n nɛɛ o ŋwɛɛ ŋɔ, maa Jɔɔdan Moo la baŋ waa wera o kpɔ dɛɛ tɛ heyaa la taa la la.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Josua 10:20

Josua ne Israel tena la kpoo nɛra la ɡalɡa bwa. Tamaa kenii baa ka dɛ won tel ba bwɛjena baa ma danjwɛkpeɡa bara ta.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 11:14

Israel tena la cheɡɛ kondɛɛɡa ne kondɛɛra aa lɔ ɡɛ bwɛjena la ta bwa kaa a ɛ ba kwa. Ba kpo nɛra baa lɔ bwɛjena la ta bwa, bɛlbwa ta kae.

Josua 6:24

Asɛ ba fuh bwɛjen la ne komɛlbwa aa lɔ o ta. Kɛ suuɡapoŋa ne suuɡaswɛm ne kwaa baa kpɔ ayaawa ɛa la ne bune kwaa la te, ba paa ka cheɡ Korowii Tɛnte Dea bela baa dɛ cheɡ laala a yoɡ aa kpeɡa.

Josua 8:25

Baala ne haahna nɛra kaɡboŋa fi dɛ banɛɛ ba kpoo awola tɔpere, Ai tenaa ba bwa.

Josua 8:8

Hé baa lɛ bwɛjen la tonaa, hé kpaa nii do o ta. Hé no waa maa do heyaa a ta nɔ kɛrɛdɛ.”

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.

Josua 9:27

Le awola tɔpere la ba le fini, ɡɛɛ Gebeɔn tena ɛɛ teŋni daa, dɛ che nee dɛɛ tɛ Israel tena, dɛ kpɔ ane dɛɛ la saraha kon la ta bobɛlbwa Korowii aa baɡ ba.

Josua 9:7

Anee Israel tena la ŋɔ ba be ŋɔ, “Ɛrɛɛ ya ne hɛɛ ba wona fɔwɛ fɔo a maɡre ɔ? He ken ka soɡe ya jwɛɛh bonɔ tenten.”

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”