Mmarare 2:36 - mzwDBL

³⁶ Korowii yaa dɛ tomɔ laa nɔn kpɔ ba nɛɛ tɛ yaa, le bwɛɛ Arowa waa chɔ Aanɔn Fɛlembɔjen la doa, dɛ berɛ kpɔ bwɛɛ bɛl waa chɔ o bini, hale dɛ kaa bwɛɛ Gelead, bɛlbwa ta wone dɔ kpeɡri kɛ yan.

Mmarare 2:36 ပူးပေါင်းရင်းမြစ်များ

2 Samoɛl 24:5

Ba kaa ɡale Jɔɔdan Moo la, dɛ baŋre ba tɛnte deene bɛne Arowa, weekaŋle harɛbɔr bwɛjen waa lɔ fɛlembɔjen bɛl bini, dɛ teŋe kpɔ Gad harɛ ta kaa Jasa.

2 Koranar 10:33

le Jɔɔdan Moo wee leebɔr harɛ dɛ kaa Arowa weekaŋle nyundua, dɛ kaa Aanɔn Moo ta, dɛ kpɔ Gelead harɛ bwa ne Basan, bela Gad ne Rubin deene, dɛ Manasɛ wee leebɔr dea tena aa soɡa bwa.

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Aesaya 17:2

Bwɛjena aa lɔ Siiria harɛ dɛ́ ba dimɡbia bera dɛ chɔ. Aa berɛ peera ne nae dibɔraa, nomɛlbwa aa lee do dɛ́ doŋa.

Jeremia 48:19

Arowa tena, hé che ŋwɛnɛ nyoa dɛɛ kpa. Hé nyiŋi haahna ne baala baa chwaa dɛɛ kaa, dɛ́ bɔɔ ba waa aa chiɡa.

Nɛra Kura 32:34

Gad dea tena la kwaarɔ vɔrɔwe bwɛjena Debɔn ne Atarɔt dɛ Arowa,

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Mmarare 3:12

Mosis berɔ ŋɔ, “Harɛ a ɡɛ saŋ yaa yoa lɛ la, n kpɔ anɔ la aa lɔ Arowa ne Aanɔn Moo weekaŋle nyunduabɔr, ne Gelead deŋɡarere harɛ pera ne a bwɛɛre tɛ Rubin ne Gad deene tena.

Mmarare 4:48

Harɛ la chɔɔ le Aanɔn Fɛlembɔjen la doa bwɛɛ Arowa ta dɛ ka le Sereɔn Bwejen baa bera dɛɛ yerɔ Hɛmɔn la ta,

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 12:2

Kooro la bɛl sɔne Sihon, Amɔre tena kooroo wɛɛ di kora bwɛjen Hɛsbɔn. O harɛ nyoa le bwɛjen Arowa, o lɔ Aanɔn Fɛlembɔjen nyoa, dɛ le fɛlembɔjen la baah ta dɛ kaa Jabɔk Moo waa ɛ Amɔn tena harɛ jwɛh ta. Gelead harɛ pera ɡe ja o ta.

Josua 13:16

Ba harɛ nyoa le Arowa, o lɔ Aanɔn Fɛlembɔjen la nyoa dɛ kaa bwɛjen waa lɔ fɛlembɔjen la baah ta, dɛ kpɔ harɛpɛɛ waa chɔa kaa dɛ ka ɡarɛ bwɛjen Medeba,

Josua 13:9

Harɛ la chɔɔ ka le Arowa, o lɔ Aanɔn Fɛlembɔjen la nyoa ne bwɛjen bɛl waa lɔ fɛlembɔjen la bini dɛ kpɔ harɛpɛɛ bɛl waa chɔa le Medeba dɛ kaa Debɔn.

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Sitɔɔla 11:22

Ba lɛ harɛ la bwa dɛ kpoŋe ka le Aanɔn Moo dɛ kaa Jabɔk Moo ta, dɛ berɛ lɛ le pua hɛŋle ɡbo harɛ la ta, dɛ kaa Jɔɔdan Moo ta.

Sitɔɔla 11:26

Bene lafraatoroo nɔ, Israel tena aa lɛ Hɛsbɔn ne Arowa ne bwɛɛre aa bara, dɛ bwɛɛre aa lɔ Aanɔn Moo la nyoa. Ɛrɛɛ haa wola berɛ lɛa saŋ laɔ?