Mmarare 19:19 - mzwDBL

¹⁹ ate hé ɛ dansewea te la ɡɛ o fe aa dɛ nyin kɛ ba ɛ o dɔŋ la, ásɛ dɛ laa wechɔɡa la kpɔ le he bini.

Mmarare 19:19 ပူးပေါင်းရင်းမြစ်များ

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Sɛɡla 19:9

Dansewea te dɛ́ dɔ deŋnetɛra, ɡɛɛ nyosonteŋni ɡe ɛɛ sewɛ.

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Daneɛl 6:25

Asɛ Kooro Dareɔs chwerɛ tɔne ka tɛ wobol te bɛlbwa nɛra baa lɔ harɛre ne o harɛ ta bwa. O ŋɔ, “N dɛ na he bwa!

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 13:6

He bini bɛlbwa dɔɔ kɛɛ o nime pɔrɔdɔ, kɛɛ o bibaa kɛɛ bihaah, hale o haah kwara kɛɛ o dansom lɔɡɔ ŋɔ, ó berɛ ka tomɛ voɡa he ne he naawa aa wola an tomɛ bwa,

Mmarare 17:7

Dɛ a ba ɡɛ naa, danseɛ tena la tɔ sie kpɔ bwea foɡro mɔɔ nomɛlbwa teŋɛ. Gɛ ŋwɛnɛ nɔ taa hɛɛ ba wona laa ɡɛ wechɔɡa nɔ kpɔ he bini.

Mmarare 19:20

Banɔ la baa kaa la ɛɛ noo, dɛ́ ɔmɛ dɛ bɛ wechɔɡa aa do ɡɛ la ba ɛ he baah kpa.

Mmarare 22:21

ate bá lawɛ haah la ka so o mɛɛ dem doonyoa, ásɛ o bwɛɛ baala foɡro bwea kpo, dɛ́ le ɡɛ wechɔɡa la ne Israel harɛ ta. O ɛ sihihwa kɛŋɔ waa soɡe o mɛɛ dem dɛ bɔ jwamane la.

Mmarare 22:24

hé kpɔ ba nɛra banɛ la bwa kaa bwɛɛ la doonyoa dɛ́ ka foɡ ba bwea kpo. Haah la kpoe munii kɛŋɔ, o ta lɔŋɔre doe soŋe lɛɛ, bwɛɛ bini ɡee. Baa la kwaa munii kɛŋɔ, o chɔɡ o dɔŋ haah. Gɛɛ dɛ́ le ɡɛ wechɔɡa la ne Israel harɛ ta.

Mmarare 24:7

Nomɛlbwa waa lawɛ o dɔŋ bokpeɡa ne, dɛ ɛo o yom kɛɛ dɛ yoɡu he na la, o chɛ kɛŋɔ hé kpoo, ásɛ ɡɛ wechɔɡa la le Israel harɛ ta.