Mmarare 17:16 - mzwDBL

¹⁶ Kooro la bɛ jaɡre kohona nyin, o bɛ ɡel nɛra la Ijipt harɛ ta dɛ́ ka yawɛ jaɡre, dɛkalkɛŋɔ Korowii haa dɛ tomɔ nɔ ŋɔ o nɛra bɛ berɛ la Ijipt harɛ ta kpa.

Mmarare 17:16 ပူးပေါင်းရင်းမြစ်များ

2 Samoɛl 8:4

Kooro Devid lawɛ Kooro Hadadesa kwaa aa do kɛŋɔ torɔɡore kaɡboŋ, ne laa tena baa soɡe laa torɔɡore bini kaɡboŋa banuanɛ, ne laa tena kaɡboŋa fifraanɛ baa dɛ valɛ. O ɡel kwaa aa do kɛ torɔɡore la lafa, ne jaɡre ane aa dɛ ba torɔɡore la tɛɡra, dɛ chaa a kabora habɔɔ nadɛɛne.

1 Koranar 1:5

Asɛ Kooro Devid ne o haah bɛl baa dɛ yerɔ Haɡit bibaa Adonija ɛ karamani kɛŋɔ, wɛɛ chiɡ o mɛɛ naa taa dɛ́ di kora. Anomanta, o nyin kwaa aa do kɛ torɔɡo ba vɔwɛ dɛɛ pɛl jaɡre ne jaɡre dɛ baala fifraanue ba tɔ o sie.

1 Koranar 4:26

Kooro Solomɔn dɔ jaɡre kaɡboŋa fifraanaarɛ baa vɔwɛ kwaa aa do kɛ torɔɡo pɛla chɔɔbɔra, dɛ jaɡre kaɡboŋa fi dɛ anɛ ɡe nɛra aa dɛ so a ta.

1 Koranar 5:6

Anomanta, cha mɛ dɛ́ ɡel he nɛra ka teŋe peleme daa le Lɛbanɔn harɛ ta tɛ mɛ. Mɛɛ ɡeloo n nɛra ba ja he nɛra nɛ, ásɛ n bɔ he nɛra la kem ɡɛ bwa haa baɡle. He ɡbabir nao kɛŋɔ nomɛlbwa ta daa teŋa wejema dɔe ka ja he nɛra baa le bwɛjen Sidon ta nɔ nɛ.”

2 Webena 1:16

Kooro Solomɔn bonadiire yon ka yawɛ o jaɡre a yoɡ aa wera dɛɛ le Ijipt harɛ ne Kue.

2 Webena 9:25

Dɛ Kooro Solomɔn dɔ jaɡre deene kaɡboŋa anaarɛ, ne torɔɡore baa vɔwa pɛl jaɡre. Dɛ o dɔ jaɡre baa dɛ la ane laa kaɡboŋa fi dɛ anɛ ɡe. Ane lɔ Jerusalam asɛ a kabora ɡe do bwɛjena ane ta.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Kaala 13:17

Ijipt kooro tɛ nɛra la ŋwɛnɛ ŋɔ bá kaa, kɛ Korowii ta ba sie tɔe ba kpɔ ŋwɛnɛ waa chɔa kaa Filisti tena harɛ ta la, dɛ onee fe bora. Asɛ Korowii lii ŋɔ, “Dɛ ba kaa cheme laa laa, baa charɛ ba liiree dɛ́ berɛ kaa Ijipt harɛ ta.”

Kaala 13:18

Anomanta, o kpɔ ba bar kpɔ ŋwɛnɛ waa chɔa kaa pua hɛŋle ɡbo harɛ ta, Mposwɛm pera. Dɛ Israel tena vɔwɛ ntoa, dɛ le Ijipt harɛ dɛɛ ba ba yo.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Aesaya 2:7

Suuɡapoŋa ne suuɡaswɛm ɡboo a ɡɛ nɛra la harɛ bwa, ba kondɔɔh a yoɡ aa kpeɡa ta nyoa dɔe. Jaɡre ɡboo ba harɛ bwa, asɛ kwaa aa do kɛ torɔɡore ba kpɔ dɛɛ la laa ɡe ta nyoa dɔe.

Jeremia 42:19

N berɔ bol ba be ja ŋɔ, “Korowii ŋɔ he Juda tena haa kaa la be ŋɔ he bɛ Ijipt harɛ ta kaa. Anomanta, n dɛ kah heyaa fini ŋɔ,

Ɛsekeɛl 17:15

Kɛ Juda kooro la ɛ deŋnekpeɡ dɛ ŋɔ waa won do Babelɔn kooro lɔɡa, asɛ o tomɛ toroma Ijipt harɛ ba ka kpɔ jaɡre ne laa tena baa wara ba. Aa won maɡre tɛo waa? Wɛɛ won le a nyoa aa? Wɛɛ won chɔɡ o ne o baah fɔo la waa wola deŋnetɛraa dɔ aa?

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Maeka 5:10

Asɛ Korowii ŋɔ, “Awola tɔpere la, mɛɛ chɔɡ jaɡre haa dɛ la ane laa, ne kwaa aa do kɛŋɔ torɔɡore ba vɔwɛ dɛɛ pɛla bwa.

Mmarare 28:68

Wɛɛ berɔɔ kpɔ heyaa do stiimaere bini, dɛ́ kaa he ne Ijipt harɛ ta. Kɛ onee fa ŋɔ he be ŋɔ haa belaa tire kpa la. Ásɛ he yoɡ he te tɛɛ ba kɛŋɔ yoma ba vɛh he yawa.”

1 Samoɛl 8:11

O ŋɔ, “He baa dɔ kooro aa, waa waa dɛ ba ɛɛ laanee nɔ. Wɛɛ kpɔ he bibaalaa ɛ o laa tena, bane so kwaa aa do kɛŋɔ torɔɡo ba vɔwɛ pɛl jaɡre la ta, ásɛ bane ɡe so jaɡre ta, bane ɡe chwa tɔ kwaa aa do kɛŋɔ torɔɡore ba kpɔ dɛɛ la laa la sie.