Mmarare 17:15 - mzwDBL

¹⁵ hé nyiŋi kɛrɛdɛ, dɛ́ na onɔ la Korowii aa leo. A chɛ kɛŋɔ ó ɛ he bini bɛl. He bɛ hɔɔh kpɔ, hé kpɔ Israel te.

Mmarare 17:15 ပူးပေါင်းရင်းမြစ်များ

Jeremia 30:21

Ba ɡbaɡba binii ba sitɔɔ waa ɛ ba kooro ɛɛ ba lee. Mɛɛ lawɛ ɡɛ nɛn laanee ba n be ó bɛn mɛ. Umee dɛ́ won ba n be dɛ n laa ta nɔn yerɔ wɔ? Men Korowiirii bola.

1 Webena 22:10

Onee dɛ́ ba do n Dea tɛ mɛ. Mɛɛ kpɔɔ ɛ n bie n ɡe ɛ o mɛɛ, dɛ́ ɡel o kora che kiŋkiŋ Israel harɛ saŋ bɛlbwa dɛɛ la.’

1 Webena 12:23

Laa tena baa kpɔ ba te dɛ ba Kooro Devid be Hɛbrɔn, dɛ́ ba yo Kooro Sɔɔl, dɛ́ lɛ o kora tɛo ɡɛ Korowii aa bola laanee teŋa nɔ.

1 Samoɛl 10:24

Samoɛl ŋɔ nɛra la bwa be ŋɔ, “Kɛ he bwa na nɛn Korowii aa leo kenɛ? Ya bini bɛlbwa toole dɛ do kɛ on.” Anee nɛra la bwa moo ŋɔ, “Kórowii tɛ kooro mkpajaŋ!”

Jeremia 2:25

Israel tena, he bɛ chwa dɛ́ foɡri he napaala pɛɛpɛɛ, ásɛ he lobi mune hol teŋa haa dɛ teŋɛ voɡare ane nɛɛ la wa. Kɛ he ŋɔ, ‘A ta tɔnɔ dɔe. Ya dɛ nyin harɛre ane voɡa wa, a chɛ kɛ yaa teŋɛ a nɛ.’

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

Matiu 22:17

Anomanta, chaɡle yaa ɡɛ haa na waa nɔ yá jemɛ. Ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Samoɛl 8:5

dɛ ka ŋɔ, “Taraken he hwɛɛhrɔ, asɛ he bii la ɡe ta do kɛ hen, ba we-ɛɛla aa were. Nyin kooro tɛ yaa wɛɛ tɔ ya sie ɡɛ harɛre nɛra bwa aa dɔa la.”

1 Samoɛl 16:3

Yerɛ Jese ó ba saraha la bɔr. Mɛɛ baɡle ɡɛ haa ɛ. Bɛl la háa fuɡe noo do o nyu ta la, dɛ onee n le kooro.

2 Samoɛl 5:1

Israel deene la bwa ba Kooro Devid be Hɛbrɔn dɛ ba ŋɔ, “Ya bwa ɛ he lolanar dɛ ɛ nɛmbeŋkpoŋ.

Yela 89:20

N fuɡe noo aa do ɡoroŋ do n bonɔɔ Devid nyu ta, dɛ cheɡo kora ta.