Mmarare 16:19 - mzwDBL

¹⁹ Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Mmarare 16:19 ပူးပေါင်းရင်းမြစ်များ

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Kaala 23:2

He bɛ nɛndamanta nɛɛ teŋɛ dɛ́ ɡee ɛ wechɔɡa. He dɛ di waane danseɛ kɔɔto aa, he bɛ nɛndamanta nɛɛ teŋɛ dɛ́ berɛ waa la sie.

Kaala 23:3

He bɛ nomɛl nyae waa koh dɛ́ sune o nɛɛ kɔɔto.

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.

Sɛɡla 17:23

Nɛnchɔɡee ba sɔh dɛɛ yawɛ sen, asɛ wɛɛ berɛ waa sie.

Sɛɡla 18:5

Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

Sɛɡla 24:23

Wejemwobol ane ɡee nɔ. Nɛn siebɔr nyiŋa dɛ́ bol waa dɛ́ pa bole ta aŋwɛnɛ ta ɛɛ.

Sɛɡla 24:28

Bɛ waa haa wola he dɔŋ nɛɛ nae la danseɛ di, bɛ nyosone teŋe.

Sɛɡla 31:5

A ɡelɔ baa soh mmarare aa lɔ ba harɛre ta, baa nyaara waa bolɛ dɛɛ tɛɛ ba aŋwɛnɛ ta.

Wejereme 7:7

He ɛ wejereme dɛɛ faah nɛra aa, he do kɛŋɔ ɡɛne. He sɛoh baa yawɛ sen ɡe aa, nɛnchɔɡee hɛɛ ɛ.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Jeremia 5:28

Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Habakuk 1:4

Mmara bɛlbwa toole dɛɛ di nɛn, anomanta, kasinteŋ toole kpa. Nɛnchɔɡa dɛ tɔ nɛndɛɛɡa ŋwɛnɛ, dɛɛ berɛ waa aa ɛ kasinteŋ sie.”

We-ɛɛla 10:34

Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.

We-ɛɛla 16:37

Anee Pɔɔl ŋɔ toroma la be ŋɔ, “Rom tenaa ya bwa, kɛ ba lɔɔ yaa pɛɛpɛɛ bombaah ta dɛ tɔ yaa dea, dɛ ba ta ya waa bolɛ dɛ na wechɔɡa bɛlbwa ya nɛ. Aah taraken nɔ sɔeh ba berɛ dɛɛ nyin dɛ sɔh ta yaa nɔ naa? Aa maɡre! Hé ɡel Rom nomonome la ɡbaɡba ba lawɛ yaa le!”

We-ɛɛla 23:3

Belaa Pɔɔl ŋɔ, “Korowii ɛɛ lɔe bɔ kem, nɛra sie ta ɡboo he ɛ nɛndɛɛɡe kɛŋɔ dekɔɔh baa lɔɔ fula. Haa chema nɔ, ɡɛ Mmara aa chaɡla laa hɛɛ ba nyiŋa dɛ́ bol n wa aa? Aah dɛ haa ŋɔa bá lɔɔ mɛ nɔ, dɛ Mmara tɛ ŋwɛnɛ ɡɛ naa?”

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Mmarare 16:18

Anee Mosis berɛ ŋɔ, “Bwɛɛ bɛlbwa Korowii aa ka kpɔ heyaa so o ta la, hé le nomonome ne nɛra báa nyiŋi he waa ta dɛ́ɛ bola kasinteŋ ne.

Mmarare 24:17

Hé bol waa kasinteŋ dɛɛ tɛ nɛŋhɔɔhra ne bilalbii. He bɛ luhaahna yale lɛ dɛ́ɛ cheɡ awɔba.

Mmarare 27:19

Bá berɛ ŋɔ, ‘Nomɛlbwa waa wola hɔɔhra kɛɛ bilalbii kɛɛ luhaahna waa bolɛ tɛɛ ba aŋwɛnɛ ta la, Kórowii taahno.’ Israel tena la bwa chaŋe ŋɔ, ‘Aamen!’

Mmarare 27:25

Bá berɛ ŋɔ, ‘Nomɛlbwa waa daŋre suuɡa ne dɛ́ kpo nɛn waa wola wechɔɡa ɛɛ la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

1 Samoɛl 12:3

N cheɡɛ bonɔ fini, dɛ n ɛ nomɛl wechɔɡe bɛl aa, bɛlbwa bol Korowii ne nɛn waa leo cheɡ o ɛ kooro nɔ sie. N lɛ nomɛl keeɡo kɛɛ nao o be naa? N faah nomɛl kɛɛ dɛ fiiɡi nomɛl aa? Umee n ɡel o yaɡ mɛ sen ɔ? Dɛ n ɛ anɔ bini bɛlbwa naa, mɛɛ bɔ naate a kemee.”

1 Samoɛl 8:1

Samoɛl baa hwɛɛh, asɛ o le o bibaala banɛ ŋɔ bá chiɡ o naa ta, dɛ́ ɛ Israel tena sitɔɔla, dɛɛ bol ba ne ba bala waa dɛɛ pa bole.

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.