Mmarare 16:15 - mzwDBL

¹⁵ Hɛ́ɛ di tɔpejen nɔ tɔpera anuanɛ bela Korowii aa lea tɛ heyaa ŋɔ hé cheme dɛ́ɛ tomɔ la o sɔn ta. Hé ɡel he sie lɛ kɛŋɔ waa ɡela he kondikwaa ne he tomare do wer.

Mmarare 16:15 ပူးပေါင်းရင်းမြစ်များ

Nehemia 8:17

Nɛra baa laɡ ba laa ta kaa bojaŋ harɛ ta la bwa berɔ ba, dɛ ba do kukure, dɛ so a bini, dɛ di Kukure Tɔpejen la. Dɛ le Nun bibaa Josua bere saŋ ba ɡɛ tɔpere la ta la, Israel tena ta Tɔpejen nɔ ken dii bwa. Ba sie lɛo kohona.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 16:10

Ásɛ dɛ di Koo Kondikwaa Koma Tɔpejen Korowii haa dɛ tomɔ nɔ sɔn ta. Hé kpɔ kwaa he bambile aa lawa ba ɛ saraha tɛ Korowii. Andɛɛɡa waa ɡela he dɔ la taa chɛ kɛŋɔ hé nyiŋi dɛ́ ba kwaa la ne.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Mmarare 30:16

Dɛ he teŋɛ Korowii haa dɛ tomɔ nɔ waa maa kpɔa dɛɛ tɛ heyaa fini nɔ ta, dɛɛ nyinu dɛɛ teŋɛ o waa ta kɛrɛdɛ naa, he wobɛlbwa ɛɛ do werii tɛ heya taeh. Wɛɛ swee andɛɛɡaa tɛ heya he dɔ mkpa harɛ haa dɛ la ka so o ta la ta.

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.