Mmarare 16:14 - mzwDBL

¹⁴ Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 16:14 ပူးပေါင်းရင်းမြစ်များ

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Aesaya 30:29

Korowii nɛra sie ɛɛ lɛo baa ɡo yela kɛŋɔ, baa dɛ di tɔpejena dɛɛ ɡo yela jwaana la. He baah ɛɛ sɔɔh heyaa kɛŋɔ nɛra aa hoh kalipere dɛɛ kaa Korowii Dea. Korowiirii do kɛ Israel tena Bwetal waa dɛ lɛɛ ba.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Joel 1:16

Ya kondikwaare dɛ chɔɡ yaa wola won ɛ wobɛlbwa, silɛɛ bɛlbwa toole Korowii Dea kpa.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 16:15

Hɛ́ɛ di tɔpejen nɔ tɔpera anuanɛ bela Korowii aa lea tɛ heyaa ŋɔ hé cheme dɛ́ɛ tomɔ la o sɔn ta. Hé ɡel he sie lɛ kɛŋɔ waa ɡela he kondikwaa ne he tomare do wer.

Mmarare 26:11

Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

1 Tesalonika 5:16

Hé ɡel he sie ɛɛ lɛ tɔpere bɛlbwa, wobɛlbwa ta,