Mmarare 14:22 - mzwDBL

²² Anee Mosis berɛ ŋɔ, “Bena bɛlbwa koo kwaa haa dɔ la, hé bɔne a bini bɔre fi dɛ laa bɔrbeŋkpoŋ kwaa cheɡ.

Mmarare 14:22 ပူးပေါင်းရင်းမြစ်များ

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

Mumpar 47:24

A ɡɛ saŋ a koma aa ba tel la, a chɛ kɛ he bɔne a bini bɔre anue, dɛ́ kpɔ bɔrbeŋkpoŋ ba tɛ kooro. Ásɛ dɛ ɡe kpɔ a kar, dɛ́ kpɔ ane ɛ dwee cheɡ, ásɛ he ne he dem tena ɡe di a kabora.”

Mumpar 47:26

Anomanta, Josef ɛ mmara harɛ la ta kɛŋɔ nomɛlbwa komɛ o koo kwa aa, ó bɔne a bini bɔre anue, dɛ́ kpɔ bɔrbeŋkpoŋ ba tɛ kooro. A ɡɛ mmara la ta lɔ Ijipt harɛ ta ba le fini. Nemenɛ harɛ waa ɛ sɔfore kon la ɡboo wola jae.

Nehemia 10:37

Yaa kpɔ ya kondikonloɡlaa la Korowii yaa dɛ tomɔ la Dea, bela baa dɛ cheɡ kwaa la, dɛ́ kpɔ ka tɛ sɔfore la, ya mendɛɛɡa ne mea sarahare, ne ya daa nɔna, ne senfala dɛ ɔleve no. Yaa bɔne komɛlbwa aa le ya kooni ta bɔre fii, dɛ́ kpɔ bɔrbeŋkpoŋ ka tɛ Lewi dea tena la, dɛkalkɛ banee dɛɛ lɛa ya bwɛɛre bwa ta.

Nehemia 10:38

Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Nɛra Kura 15:20

Hé kpɔ meloɡla haa tɔ sie nama la ane ɛ paanoo ane so siwii baa dɛ do noo a ta la ɛ saraha tɛo.

Nɛra Kura 18:21

Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Nɛra Kura 18:31

He Lewi dea tena ne nɛra baa lɔ he dem, ɛɛ won di a kabora bobɛlbwa, dɛkalkɛ a ɛ n Dea Cheremibɔr bela toma haa dɛ ɛ la kembɔr.

Mmarare 12:17

Komɛlbwa haa wola kpɔe tɛ Korowii la, hé dia bela haa soɡa, nemenɛ he mea bɔre fi bini bɔrbeŋkpoŋ, he sen bɔre fi bini bɔrbeŋkpoŋ, ɔleve noo bɔre fi bini bɔrbeŋkpoŋ, ne he nae ne peera biloɡla, dɛ he nyobaɡa kwaa ne he bambile bini kwa, dɛ saraha bɛlbwa aa jaa.

Mmarare 12:6

Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.