Mmarare 14:21 - mzwDBL

²¹ He bɛ ol waa sewa ta baŋa la di. Hé kpɔ tɛ nɛra baa ɛ nɛŋhɔɔhra dɛ so he baah ta. Gɛ laa ɡe aa, hé yoɡ tɛ nɛn waa wola he nɛɛ jae. He ɛ Korowii nɛra dɛ do ɡoroŋ. He bɛ pebie kɛɛ bombie daa o nya elnee ne.”

Mmarare 14:21 ပူးပေါင်းရင်းမြစ်များ

Kaala 19:6

mɛɛ kpɔ heyaa ɛ n sɔfore maa le heyaa cheɡ hɛɛ ɛ n toma. Gɛɛ chɛ kɛ hé bol baɡle Israel tena.”

Kaala 22:30

Gɛ tentenee chɛ kɛŋɔ hé ɛ he nae ne peera bwa ta. Hé ɡel a do a nyare be yawanyoa, ásɛ tɔpenuatoro ta la, hé kpɔa ba ɛ saraha tɛ mɛ.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:26

Hé kpɔ he koo kondikonloɡla aa wera kohona ba tɛ men Korowii haa dɛ tom mɛ la Dea. He bɛ bombie daa o nya elnee ne.”

Ɛsekeɛl 4:14

Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”

Ɛsekeɛl 44:31

Sɔfore ta chɛ kɛ ba di jumbie kɛɛ ol bɛlbwa waa sewa ta baŋa, kɛɛ onɔ la kpɔɡ bini olchɔɡa aa kpoo.”

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Daneɛl 8:24

Wɛɛ dɔ kpeɡrii taeh, kɛ o ɡbaɡba kpeɡri laa. Wɛɛ chɔɡ kwaa á ɛ nyokpoa, o wobɛlbwa waa ɛ do wer tɛo, dɛ́ chɔɡ nɛnjena ne Korowii nɛra bwa.

Lewi Dea Tena 11:40

Nomɛlbwa waa di ɡɛ konlale la ol la, a chɛ kɛ ó chɛɡɛ o laala. Naate kah doŋa ka tel jɔmɔra. Asɛ nomɛlbwa ɡe waa ka kpɔ o lale la chɛ kɛ ó chɛɡɛ o laala, o kah doŋa ka tel jɔmɔra ɡe.

Lewi Dea Tena 17:15

Nomɛlbwa waa ɛ bwɛɛlembie kɛɛ hɔɔh dɛ di ol waa sewa, kɛɛ kpɔɡ bini olchɔɡe aa lawɔ o ka kpɔ o kabora ba di la chɛ kɛŋɔ ó chɛɡɛ o laala dɛ́ sɔ ne. O kah doŋa ka tel jɔmɔra mɔɔ o doŋa la bwa le o nɛ.

Lewi Dea Tena 22:8

A ta chɛ kɛ ó di konlale waa kaa piu, kɛɛ onɔ la kpɔɡ bini olchɔɡe aa lawɔ á che a ta ó kah doŋa. Men Korowiirii bola.

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 14:20

Kɛ koŋɡaahla aa wera ne dii la, hé dia.

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

1 Pita 1:16

dɛkalkɛŋɔ ba chwerɛ Korowii Tɔn bini ŋɔ, “Hé do ɡoroŋ, dɛkalkɛ n do ɡoroŋ.”