Mmarare 13:15 - mzwDBL

¹⁵ hé kpoo ɡɛ bwɛɛ la tena bwa, dɛ́ chɔɡ bwɛɛ la bwa kwara, hale kondɛɛra aa lɔ bela bwa.

Mmarare 13:15 ပူးပေါင်းရင်းမြစ်များ

Ɛsra 10:16

Anomanta, nɛra baa laɡ ba kaa bojaŋ harɛfale ta ba berɛ ba la sɛh ɡɛ baa bola la ta. Asɛ sɔfo Ɛsra le baala baa ɛ deene nomonnyuune, asɛ ba chwerɛ bɛlbwa sɔn denaa ta. Korobie fi tɔpeloɡle ta la, ba soɡe harɛ dɛ nyiŋi waa la ta,

Kaala 22:20

Nomɛlbwa waa kpo kwaa ɛ saraha tɛ voɡ bɛlbwa, dɛ ɡel men Korowii la chɛ kɛ bá kpoo.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Lewi Dea Tena 27:28

Nomɛlbwa ta chɛ kɛ ó yoɡ kɛɛ dɛ berɛ yawɛ kon waa kpɔa ba tɛ mɛ dɛ ku n nɔn la. Dɛ nɛnee kɛɛ kondɛɛre kɛɛ harɛɛ yoo, o do ɡoroŋ dɛ tɛ mɛ, dɛ ɛ n kon pi.

Mmarare 13:14

hé bɔɔ dɛ́ nyiŋi a bini kɛrɛdɛ. Dɛ ɡɛɛ kpela kɛŋɔ wedoŋa aa do ken chiɡ he bini naa,

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 17:4

Dɛ he baa no ɡɛ waa nɔ naa, hé nyiŋi a bini kɛrɛdɛ. Dɛ a ɛ kasinteŋ kɛŋɔ ɡɛ wechɔɡa la chiɡ Israel harɛ ta naa, ba kii.

Mmarare 2:34

Ya lɛ o bwɛɛre bwa dɛ chɔɡa, dɛ kpoo baala ne haahna dɛ bechale bwa. Ya ta ɡelɛ nomɛlbwa won dɔ bɔr chwa.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Josua 6:24

Asɛ ba fuh bwɛjen la ne komɛlbwa aa lɔ o ta. Kɛ suuɡapoŋa ne suuɡaswɛm ne kwaa baa kpɔ ayaawa ɛa la ne bune kwaa la te, ba paa ka cheɡ Korowii Tɛnte Dea bela baa dɛ cheɡ laala a yoɡ aa kpeɡa.

Wepila 17:16

Nyeɡlare fi la haa naa a che tɛ koranar fi la ne olchɔɡe la ɛɛ hah hanjwamane laanee, dɛ́ foo o bwara komɛlbwa, dɛ́ ɡelo dakpaŋ ɡɛ. Baa chwe o olii, ásɛ dɛ fuh o kabora,

Sitɔɔla 20:3

Dɛ Bɛnjamen dea tena la noɔ kɛŋɔ Israel tena la kaa cheme Mispa. Israel tena la ŋɔ, “Hé baɡle yaa waa aa cheɡɛ a ta wedoŋa nɔ ba.”

Sitɔɔla 20:48

Israel tena la laa berɛ kaa Bɛnjamen dea tena harɛ ta, dɛ ka kpoo nɛra baa lɔ bwɛɛre la ta bwa, ne ba kondɛɛra, dɛ kon te bɛlbwa baa nao. Ba fuh bwɛɛre la bwa.