Mmarare 12:31 - mzwDBL

³¹ He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 12:31 ပူးပေါင်းရင်းမြစ်များ

2 Koranar 16:3

dɛ teŋɛ waa Israel koranar aa ɛa la ta. Hale o kpo o bibaa dɛ fuuh ɛ saraha. Dɛ ɡɛ waa la ɛ voɡtoroma harɛre nɛra Korowii aa doŋ ba tɛ Israel tena, ba tɔ sie ba so o ta la nawee wa. Dɛ Korowii kia.

2 Koranar 17:31

Avi tena ɛ ba voɡa baa dɛ yera Nibhas ne Tatak, asɛ Sefavaim tena fuh ba bii ɛ sarahare tɛ Sefavaim tena voɡa baa dɛ yera Adramɛlɛk ne Anamɛlɛk.

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Koranar 3:27

Asɛ o lawɛ o bibanloɡle waa chiɡ o naa ta dɛ́ di kora la, dɛ kpɔɔ ɛ saraha danjwɛɛ baa maa bar bwɛjen la ta tɛ Moab harɛ voɡ. Israel laa tena la aa na ɡɛ la, ba bambile teŋo kohona ba laa berɛ kaa ba harɛ ta.

2 Webena 33:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Yela 106:37

Ba kpoo ba bibaala ne bihaahna ɛ sarahare tɛ Keenan voɡa.

Kaala 23:2

He bɛ nɛndamanta nɛɛ teŋɛ dɛ́ ɡee ɛ wechɔɡa. He dɛ di waane danseɛ kɔɔto aa, he bɛ nɛndamanta nɛɛ teŋɛ dɛ́ berɛ waa la sie.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 7:31

Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Ɛsekeɛl 23:27

Gɛɛ mɛɛ ba he ɛɛ, dɛ́ ba he jwamanwaa haa pa a mun Ijipt harɛ la ne a jaɡa. Haa voɡa la kɛɛ Ijipt harɛ ta wobɛlbwa waa liira ba kpa.’ ”

Lewi Dea Tena 18:21

Bɛ he bie bɛlbwa lawɛ tɛ bá kpo ɛ saraha tɛ voɡ Molɛk. Dɛɛ berɛ men Korowii haa dɛ tom mɛ nɔ sɔn chɔɡ ɡɛ. Men Korowiirii bola.

Lewi Dea Tena 18:3

He bɛ ɛ kɛŋɔ Ijipt tena he fa aa soɡe ba bini la, ne Keenan tena maa dɛ kaa he ne ba bini nɔ. He bɛ ba we-ɛɛla la kpɔ.

Lewi Dea Tena 20:2

ó bol Israel tena be ŋɔ, “He bini bɛlbwa kɛɛ hɔɔh bɛlbwa waa soɡe he bini, dɛ lawɛ o bie bɛlbwa ɛ saraha ba kpo tɛ voɡ Molɛk la chɛ kɛ bwɛɛ la ta tena foɡro bwea kpo.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?

Mmarare 12:30

hé nyiŋi kɛrɛdɛ dɛ bɛ ŋwɛnɛre baa cheɡɛ a ta dɛɛ tomɛ ba voɡare la ba nyiŋi, dɛ́ ɡe ɛɛ teŋɛ a ta, a do kɛŋɔ bela, dɛ́ lawɛ heya.

Mmarare 12:4

He bɛ Korowii haa dɛ tomɛ nɔ dɛɛ tomɛ ŋwɛnɛ baa kpɔ o ta dɛɛ tomɛ ba voɡa la.

Mmarare 20:18

Gɛ laa aa, baa baɡle heyaa waa baa ɛa dɛɛ tomɛ ba voɡare Korowii haa dɛ tomɔ nɔ aa kia la ta teŋaa, ásɛ he ɛ wechɔɡa dɛ́ jo o nɛ.

Mmarare 9:4

Korowii haa dɛ tomɔ nɔ baa tɔ he sie dɛ doŋ ba le aa, a habɔɔ la he bɛ ba ŋɔ, ‘Ya nɛndɛɛɡa ɛɛ waa Korowii kpɔ harɛ nɔ tɛ yaa.’ Akai, ɡɛ nɛra nɔ nyubinikpeɡ waa Korowii ɛɛ ba sie tɔe dɛ́ doŋ ba le.

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.