Mmarare 12:30 - mzwDBL

³⁰ hé nyiŋi kɛrɛdɛ dɛ bɛ ŋwɛnɛre baa cheɡɛ a ta dɛɛ tomɛ ba voɡare la ba nyiŋi, dɛ́ ɡe ɛɛ teŋɛ a ta, a do kɛŋɔ bela, dɛ́ lawɛ heya.

Mmarare 12:30 ပူးပေါင်းရင်းမြစ်များ

2 Koranar 16:10

Asɛ Kooro Ahas la Damaskɔs, dɛ ka pu Asiiria koojen Tiɡlat Pilesa. Waa la bela la, o na kon baa kpoo kwaa dɛɛ ɛ saraha o ta bela, dɛ nyiŋi o mar, dɛ ma o dɔŋ dɛ tomɛ torome o kpɔ ka baɡle sɔfo Uria.

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Jeremia 10:2

“He bɛ harɛre nɛra bane we-ɛɛla ta dɛɛ teŋɛ. He bɛ waa aa dɛ chiɡ nyundua, dɛɛ baɡle waane aa ha heya, a lole kɛŋɔ harɛre nɛra bane te dɛ ɔma.

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Lewi Dea Tena 18:3

He bɛ ɛ kɛŋɔ Ijipt tena he fa aa soɡe ba bini la, ne Keenan tena maa dɛ kaa he ne ba bini nɔ. He bɛ ba we-ɛɛla la kpɔ.

Lewi Dea Tena 18:30

Hɛɛ ɛ waa maa dɛ nyin, dɛ bɛ nɛra baa tɔ sie ba so harɛ nɔ ta la we-ɛɛla maa kia la ta teŋɛ, dɛ́ kpɔ doŋa kah he te. Menee Korowii haa dɛ tom mɛ la.”

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Mmarare 11:16

Hé nyiŋi kɛrɛdɛ dɛ́ɛ berɛ he te laa dɛ́ kpɔ Korowii nɛɛ dɛ́ kaa tomɛ voɡa dɛ́ɛ ɡuŋa.

Mmarare 12:29

Dɛ Korowii haa dɛ tomɔ nɔ chɔɡ harɛre haa dɛ la ka so a ta la nɛra dɛ ɡel he so a ta naa,

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 18:9

Mosis berɔ ŋɔ, “Dɛ he tel harɛ Korowii haa dɛ tomɔ aa kpɔa dɛɛ tɛ heyaa la ta naa, he bɛ nɛra baa lɔ bela la ba chaa, dɛ́ hweli ba wedoŋa ŋwɛnɛre la. Korowii kia taeh.

Mmarare 20:18

Gɛ laa aa, baa baɡle heyaa waa baa ɛa dɛɛ tomɛ ba voɡare Korowii haa dɛ tomɔ nɔ aa kia la ta teŋaa, ásɛ he ɛ wechɔɡa dɛ́ jo o nɛ.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.