28 Hé nyiŋi kɛrɛdɛ dɛɛ teŋɛ waa maa ŋɔ he be bwa ta, ásɛ a chiɡ he ne he bii ba taa dɛ ba bala bwa kɛrɛdɛ, ɡɛ haa dɛ ɛ waa aa wera dɛ toɡre Korowii haa dɛ tomɔ nɔ be.
Hé nyiŋi kɛrɛdɛ dɛɛ teŋɛ waa maa dɛ do heyaa a ta fini nɔ ta. Mɛɛ doŋi Amɔre ne Keenan ne Hiti ne Pɛrɛs ne Hivi dɛ Jebus tena he siwi taa dɛ́ le harɛ nɔ ta.
Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.
He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.
Dɛ bwadabii weechɔɡa ane le he nɛ aa, do sie dɛ́ pɛɛ a waa Lewi dea sɔfore la be. N bol ba be, anomanta, ɡɛ baa ŋɔ he be la, hé nyiŋi kɛrɛdɛ dɛ́ teŋɛ a ta.
Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”