Mmarare 12:23 - mzwDBL

²³ Hé nyiŋi kɛrɛdɛ dɛ bɛ a chale la te di, dɛkalkɛŋɔ komɛlbwa chal ɛ o mkpa, a ta chɛ kɛŋɔ hé di chal la ja ol la ta.

Mmarare 12:23 ပူးပေါင်းရင်းမြစ်များ

Mumpar 9:4

Kɛ he bɛ konlale di, dɛkalkɛ o sewɔ ta baŋa. Komɛlbwa mkpa lɔ o chal ta.

Ɛsekeɛl 33:25

Anomanta, ŋɔ men Nemenɛ Korowii ŋɔ, ‘Haa dɛ di ola ne a chale, dɛ tomɛ voɡa dɛɛ kpoo dɔŋa nɔ, a chɛ kɛ he dɔ harɛ nɔ o ɛ he kon aa?

Lewi Dea Tena 17:10

Israel te, kɛɛ hɔɔh bɛlbwa waa soɡe he bini dɛɛ di ol chal la, n sie ɛɛ beɡre naate nɛɛ dɛ́ pero le o nɛra bini.

Lewi Dea Tena 17:11

Komɛlbwa o siwi aa lole la mkpa lɔ o chal ta, a waa n kpɔ tɛ heyaa kɛŋɔ hé kpɔ soŋe he wechɔɡa saraha kon ta la. Chal laanee bá kpɔ soŋe nɛn wechɔɡa dɛɛ tɛo wɛɛ dɔ mkpa.

Lewi Dea Tena 19:26

He bɛ ol ne o chal di. Hɛ́ɛ berɛ he te kpɔe dɛ do voɡra kɛɛ sɔm we-ɛɛla soo siwi bɛlbwa ta.

Lewi Dea Tena 7:26

Bobɛlbwa haa ka so bwa, he bɛ jumbie kɛɛ ol bɛlbwa chal di.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

Mmarare 12:16

He bɛ a chale te di, hé teŋni a baŋa ásɛ chal la fuɡe kɛŋɔ nee ken.

Mmarare 12:22

Hɛ́ɛ won dia ɡɛ haa dɛ di kweɡli ne ahre, hale nɛra baa kah doŋa ne banɔ la baa wola doŋa kaeh Korowii be pera bwa.

Mmarare 12:24

He bɛ chal la di, hé fuɡe ta kɛŋɔ nee ken.

Mmarare 15:23

He bɛ a chale la te daa dɛɛ di, hé fuɡa ta kɛŋɔ nee ken.”

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

1 Samoɛl 14:32

Buɡ la ta, ba den ka su kwaa baa paa laa ta le ba dɔma be la ta dɛɛ kama, peera ne nae ne a bii, ba kpoora dɛ chɛwa buɡ la ta bela, dɛ chwea ane chal ɡɛ.

1 Samoɛl 14:33

Anee nomɛl ka ŋɔ Kooro Sɔɔl be ŋɔ, “Na, laa tena la dɛ chwe ol lwɛɛ ne chal, dɛ jo Korowii nɛ.” Ate, Kooro Sɔɔl ŋɔ, “Hé ɛ nɛnchɔɡa kohona. Hé ɡbili bwejen ba tɛ mɛ bonɔ warane.”