Mmarare 12:20 - mzwDBL

²⁰ Dɛ Korowii haa dɛ tomɔ nɔ baa ɡel he harɛre do kan ɡɛ waa baɡɛ nyoa ŋɔ wɛɛ ɛo, asɛ he pɛla lawɛ ol kohona naa, hɛɛ wonoo chwe saŋ bɛlbwa haa dɛ nyin.

Mmarare 12:20 ပူးပေါင်းရင်းမြစ်များ

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Mumpar 31:30

N jemɔ kɛŋɔ he sie cheɡɛ chiŋ hɛɛ nyin bɔr dɛ́ kaa he bwɛ. Aah dɛ ɛrɛ waa he berɛ ŋwɛ n voɡa nɔɔ?”

2 Samoɛl 13:39

Dɛ kooro bambile lawɔ kɛŋɔ ó la Absalɔm be ka nao, dɛkalkɛ o dɔ bolarawa le Amnɔn seo la ta.

2 Samoɛl 23:15

Nyɔɡre dɛ kpo Kooro Devid, asɛ o ŋɔ, “N dɛ nyin nomɛl fe aa kaa dɔ nee kɔlɔŋ waa chɔa bɛne Bɛtlɛham doonyojen la ta ba tɛ mɛ ń nyɔ!”

1 Webena 4:10

Jabɛs wio no Korowii Israel tena aa dɛ tomɛ ŋɔ, “N Naa Korowii, swee mɛ andɛɛɡa, dɛ́ ɡel n harɛ do kan! Kpɔ nɔn tɔ n nɛ, dɛ́ lee mɛ waa aa kpɔ bonyɛɡa ba ta n nɛɛ ta.” Asɛ Korowii no o wesoŋa.

Yela 107:9

dɛkalkɛ o tɛ nɛra nyɔɡre aa dɛ kpo ba nee ba nyɔ, dɛ tɛ banɔ la lɔr aa dɛ kpo ba ɡe kondikondɛɛɡa ba di.

Yela 119:174

N Naa Korowii, n sie dawɛ he nɛɛ kɛ he lɛɛ mɛ, he Mmarare laanee dɛɛ tɛ mɛ silɛɛ.

Yela 119:20

N bambile lawɔ kɛ mɛɛ teŋɛ he Mmarare la ta, saŋ bɛlbwa.

Yela 119:40

N dɛ nyin he waa la ta teŋa kohona. Che toɡra he wa aa toɡra ta dɛ tɛ mɛ mkpa.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Yela 84:2

Bela waa dɛ ɛɛ mɛ taeh! N dɛ nyin kɛ n fe aa lɔ he Dea. Mɛɛ ɡo silɛɛ yela n bambile bwa nee tɛ Korowii waa lole saŋ bɛlbwa la.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

Nɛra Kura 11:20

Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Nɛra Kura 11:34

Gɛɛ a do ba pa bela sɔn Kebrɔt Hataava, dɛkalkɛŋɔ belaa ba bini banɔ la ba pɛla aa dɔ kondikwaa tenten la serewe, ba huɡ ba.

Nɛra Kura 11:4

Dɛ nɛra bane baa wola Israel tena ɛɛ lɔ ba bini ba ne baa kaa, ba pɛla lawɛ kondikwaa tenten. Asɛ Israel tena la ɛɛ wi kohona ŋɔ, “Leperaa yaa ba ola dɔe dɛ́ chwe o?

2 Kɔrent 9:14

He waa ɛɛ dɛɛ ɛ a ɡɛ nɛra laanee, ásɛ ba dɛ soŋe Korowii aa, ba soŋe dɛɛ tɛ heya, he bonya Korowii aa ɡela he dɔ la nomanta.

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.

Mmarare 12:15

Kɛ kondɛɛra haa di he deremi te, hɛɛ wonoo kpoora bela haa soɡa, dɛ́ won chwe ɡɛ bɛlbwa Korowii haa dɛ tomɔ nɔ aa tɛ heya, ɡɛ haa dɛ chwe kweɡli ne ahre la. He banɔ la haa kah doŋa ne banɔ la haa wola doŋa kaeh Korowii be pera bwa ɛɛ wono chwe.

Mmarare 12:21

He harɛre la baa do kan asɛ bela haa chema dɛɛ tomɛ Korowii la do jaŋne aa, saŋ bɛlbwa haa dɛ nyin la, hɛɛ wonoo kpoo nae kɛɛ peera Korowii aa tɛ heyaa la, ásɛ dɛ chwe ola la he deremi ɡɛ maa ŋɔ he be la.

Mmarare 19:8

Dɛ Korowii haa dɛ tomɔ nɔ baa ɡel he harɛ la do kan ɡɛ waa ŋwɛɛra baɡle he naawa, asɛ dɛ kpɔ harɛ la bwa tɛ heya aa,

Felepae 1:8

Korowii jemɔ kɛŋɔ he pɛla laɡ mɛ taeh, nɛnnyin Yeesu Kristo aa kpɔa do n bambile ta la nomanta.

Felepae 2:26

dɛkalkɛŋɔ, he pɛla lawɔ wɛɛ lii he bwa waa taeh. A dɛ hao kohona kɛŋɔ haa no o weela wa.